គំនរឈើជាច្រើនត្រូវកម្លាំងចម្រុះចុះបង្ក្រាបរឹបអូសយកមកប្រគល់ឱ្យជំនាញ

ខេត្តក្រចេះ៖ គំនរឈើជាច្រើនដែលក្រុមឈ្មួញយកមកលាក់ទុកក្នុងព្រៃត្រូវបានកម្លាំងកងរាជអាវុធហត្ថសហការជាមួយកម្លាំងនគរបាលការពារព្រំដែនប៉ុស្ដិ៍ត្រពាំងគ្រញូងនិងកម្លាំងកងអនុសេនាធំទីបី(វរៈ៤)១នាក់ កម្លាំងផ្នែកសឹករងស្នួលដឹកនាំដោយលោកវរសេនីយ៍ត្រី ម៉ក់ ពីយុតចុះបង្រ្កាបនិងធ្វើការរឹបអូសយកមករក្សាទុកប្រគល់ឱ្យជំនាញ។

កម្លាំងប្រតិបត្តិការចុះបង្រ្កាបឈើដែលក្រុមឈ្មួញយកមកលាក់ទុកនោះបានធ្វើឡើងនៅនៅវេលាម៉ោង១៥និង៣០នាទីថ្ងៃទី០៩ខែឧសភាឆ្នាំ២០២០ត្រង់ចំណុច U T.M(695850-1336490)ជាប់ព្រំប្រទល់ខេត្តក្រចេះ មណ្ឌលគិរីស្ថិតក្នុងភូមិគ្រញូងសែនជ័យ ឃុំគ្រញូងសែនជ័យស្រុកស្នួល ។

ប្រភពពីសមត្ថកិច្ចបានឱ្យដឹងថា គំនរឈើនោះជាប្រភេទឈើសុក្រំចំនួន៤៥សន្លឹកហើយមិនទាន់បានធ្វើការវាស់វែង នៅឡើយ។

ក្រោយពីកម្លាំងធ្វើការរុករកប្រទះឃើញហើយក៏បានប្រមូលដឹកជញ្ជូនយកទៅរក្សាទុកនៅស្នាក់ការសន្តិសុខ៧០៩ជាបណ្ដោះអាសន្ន ដើម្បីប្រគល់ឱ្យជំនាញនិងស្រាវជ្រាវរកម្ចាស់ឱ្យចូលខ្លូនមកដោះស្រាយតាមច្បាប់ព្រៃឈើ៕ដោយ៖ជីវ័ន្ត