សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន៤នាក់ ដែលជាមុខសញ្ញាចោរឆក់យ៉ាងសកម្មក្នុងរាជធានីភ្នំពេញ ត្រូវបានកម្លាំងនគរបាល នៃនាយកដ្ឋាននគរបាលព្រហ្មទណ្ឌកម្រិតស្រាលក្រសួងមហាផ្ទៃ ធ្វេីការបង្ក្រាបបានភ្លាមៗ បន្ទាប់ពីពួកគេនាំគ្នាធ្វេីសកម្មភាពឆក់ទូរសព្ទ័ដៃ អ្នកដំណេីរតាមផ្លូវ តែមិនបានសម្រេច ។
ហេតុការណ៍នេះ បានកេីឡេីងនៅវេលា ម៉ោង៨ និង០៥នាទី យប់ថ្ងៃទី១១ ខែឧសភា ឆ្នាំ២០២០ ត្រង់ចំណុចផ្លូវលេខ២១៤(សម្តេចប៉ាន) មុខក្លឹបលុច្សសារីចាស់ សង្កាត់បឹងរាំង ខណ្ឌដូនពេញ រាជធានីភ្នំពេញ ។
លោកវរសេនីយ៍ទោ ប៊ុត វណ្ណារដ្ឋ អនុប្រធាននាយដ្ឋាននគរបាលព្រហ្មទណ្ឌក្រសួងមហាផ្ទៃ បានបញ្ជាក់ថា មុនពេលឃាត់ខ្លួនក្រុមចោរឆក់ខាងលើនេះគឺលោកបានដឹកនាំកម្លាំងចុះល្បាតនៅតាមដងផ្លូវ លុះជិះមកដល់ចំណុចកើតហេតុស្រាប់តែប្រទះឃេីញចោរឆក់វ័យក្មេង៤នាក់នេះ បានធ្វេីសកម្មភាពឆក់ទូរសព្ទ័ដៃអ្នកដំណេីរតាមដងផ្លូវ ជាជនរងគ្រោះមានគ្នា៣នាក់ កំពុងជិះម៉ូតូឌុបគ្នា ។ ប៉ុន្តែមិនបានសម្រេចពេលនោះកម្លាំងល្បាតបានប្រដេញ រហូតឈានដល់ការឃាត់ខ្លួនជនសង្ស័យចំនួន០៤នាក់តែម្តង។
លោកវរសេនីយ៍ទោ ប៊ុត វណ្ណារដ្ឋ បន្តថា ជនសង្ស័យទាំង៤នាក់នេះ ទី១ឈ្មោះ ផាន់ ទូ(ដៃដល់)ភេទប្រុស អាយុ២១ឆ្នាំ ,ទី២ ឈ្មោះ ផាត់ ភក្តី អាយុ១៩ឆ្នាំ ,ទី៣ឈ្មោះ ធី ដាវីត អាយុ១៨ឆ្នាំ ,នឹងទី៤ឈ្មោះ ឃឹម ដារ៉ូតអាយុ១៨ឆ្នាំ ត្រង់ចំណុច ជិតរង្វង់មូលផ្សារដេីមថ្កូវ ខណ្ឌចំការមន ។
សម្ភារដកហូតមាន៖ ម៉ូតូម៉ាកហុងដាប៊ីត ចំនួន២គ្រឿង មួយគ្រឿង ពណ៌សលាយក្រហម ឆ្នាំ២០១៩ ពាក់ស្លាកលេខ កំពត 1P-8658 នឹងមួយគ្រឿងទៀត ពណ៍សលាយខៀវ ពាក់ស្លាកលេខ ភ្នំពេញ 1HZ-2660 ជនសង្ស័យ ។
បច្ចុប្បន្ន ជនសង្ស័យទាំង៤នាក់កំពុងសាកសួរនៅយកដ្ឋានបាលព្រហ្មទណ្ឌក្រសួងមហាផ្ទៃនិងកសាងសំណុំរឿងបញ្ជូនទៅកាន់តុលាការតាមនីតិវិធី ៕ដោយ៖ស តារា
