សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ រថយន្តពីរគ្រឿងបានជួបគ្រោះថ្នាក់ចរាចរណ៍ លើផ្លូវជាតិលេខ១១ត្រង់ចំណុច ឡូត៍កៅស៊ូស្ថិតនៅភូមិ២៥ ឃុំព្រះ ធាតុ ស្រុកអូរាំងឪ ខេត្តត្បូងឃ្មុំ ដែលកេីតឡេីងពីការបេីកជែង ខ្វះការប្រុងប្រយ័ត្ន បណ្តាលអោយមនុស្សចំនួន៤នាក់បានរបួសធ្ងន់ និង ស្រាល ។
តាមប្រភពព័ត៌មានអោយដឹងថា ករណីនេះកើតឡើងកាលពីថ្ងៃទី១៣ខែឧសភា ឆ្នាំ២០២០ វេលាម៉ោង២០៖១៥នាទីព្រឹកលើផ្លូវ ជាតិលេខ១១ត្រង់ចំណុចឡូត៍កៅស៊ូស្ថិតនៅភូមិ២៥ ឃុំព្រះ ធាតុ ស្រុកអូរាំងឪ ខេត្តត្បូងឃ្មុំ ។
ប្រភពព័ត៌មានបន្តថា គ្រោះថ្នាក់ចរាចរណ៍ខាងលេីបង្កឡើងរវាងរថយន្តម៉ាកឡិចស៊ីស(300) ពណ៌ ប្រផេះ បើកបរដោយឈ្មោះប៊ន់ ចក់ភេទប្រុសអាយុ២៥ឆ្នាំជាតិខ្មែរ នៅ ភូមិក្រសាំងទង ឃុំអង្គរាជ្យ ស្រុកព្រះស្ដេច ខេត្តព្រៃវែង (របួសស្រាល) អ្នករួមដំណើរ០២ នាក់ ១.ឈ្មោះប៉ក់ វាសនា ភេទប្រុស អាយុ ២០ឆ្នាំជាតិ ខ្មែរ (របួសស្រាល)និង ២.ឈ្មោះហ៊ុល រីណា ភេទស្រី អាយុ ២០ឆ្នាំជាតិខ្មែរនៅភូមិជាមួយគ្នា(របួសធ្ងន់) មកពីទិសខាងត្បូងប្រើប្រាស់ល្បឿនលឿន ។ លុះធ្វេីដំណេីរមកដល់ចំណុចកើតហេតុ ខាងលើបានបេីកជែង តែមិនផុតបានបុករថយន្តកែច្នៃពីក្រោយចំជ្រុងខាងឆ្វេង បណ្ដាលឲ្យរថយន្តកែឆ្នៃខ្ទាតចេញពីលើផ្លូវធ្លាក់ចូលទៅក្នុងរោងខាងស្ដាំ។
ចំពោះវត្ថុតាងទាំងពីរគ្រឿងបានយកមក រក្សាទុកនៅអធិការដ្ឋាននគរបាលស្រុកអូរាំងឪ ខណៈអ្នកបើកបររថយន្តកែច្នៃក្រោយកើតហេតុរត់គេចខ្លួន ៕ ដោយ ៖ វណ្ណៈ
