សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ សម្លេងស្រែកទ្រហោរយំពីសំណាក់ឪពុកម្ដាយ ខណៈកូនប្រុសបានលង់ទឹកបៀរខាងក្រោយផ្ទះ មិនមានអ្នកដឹងរហូតដល់ស្លាប់បង្កការភ្ញាក់ផ្អើលឡើងកាលពីវេលាម៉ោង៥និង៣០នាទីល្ងាច ថ្ងៃទី១៨ខែឧសភា ឆ្នាំ២០២០ ស្ថិតនៅភូមិបឹងកែក ឃុំធ្មារ ស្រុករំដួល ខេត្តស្វាយរៀង។
បើតាមសមត្ថកិច្ចនគរបាលស្រុកបានឲ្យដឹងថាក្មេងប្រុសខាងលើមានឈ្មោះផា ដារ៉ាពេជ្រ អាយុ១៨ខែ មានទីលំនៅភូមិ ឃុំកើតហេតុខាងលើ ។
តាមសម្តីអ្នកភូមិ បានឱ្យដឹងថា មុនកើតហេតុ គឺម្ដាយបានទុកកូននៅខាងមុខផ្ទះ ដើម្បីឱ្យរត់លេងដោយគាត់ជាប់រវល់ធ្វើម្ហូបនិងដាំបាយពេលល្ងាចដូចសព្វដង។ លុះប្រមាណកន្លះម៉ោងក្រោយស្រាប់តែលឺសម្លេងម្ដាយស្រែកទ្រហោរយំនិងហៅអ្នកភូមិជួយកូនគាត់លង់ទឹកបៀរខាងក្រោយផ្ទះ ប៉ុន្តែអកុសលហួសពេលទៅហើយបានត្រឹមតែសោកស្ដាយប៉ុណ្ណោះ ។
ក្រោយកើតហេតុសមត្ថកិច្ចនគរបាល បានចុះត្រួតពិនិត្យលើសព រួចបញ្ជាក់ថា ក្មេងប្រុសរងគ្រោះពិតជាស្លាប់ដោយសារលង់ទឹកប្រាកដមែន ហើយប្រគល់សពឱ្យក្រុមគ្រួសារយកមកធ្វើបុណ្យតាមប្រពៃណី៕ដោយ៖ យឹម សុថាន
