សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រោយរៀបការនិងមានកូនតាមការគ្រោងទុកនោះ ពេលនេះតារាសម្តែង និងពិធីករប៉ែន ចំរ៉ុង បានដឹកដៃភរិយា ដើរកម្សាន្តស្រូបយកខ្យល់អាកាសបែបធម្មជាតិ។
លោក ប៉ែន ចំរុង ជាតារាសម្តែង បានបង្ហោះរូបភាពជាច្រើនបង្ហាញពីភាពផ្អែមល្ហែម ខណៈភរិយាកំពុងពពោះនិងបាននាំភរិយាដែលកំពុងពពោះទៅលំហែកាយ បែបធម្មជាតិ សាមញ្ញៗ ស្ទួចត្រី នៅសៀមរាបកន្ទួត ស្រុកកណ្តាលស្ទឹង ខេត្តកណ្តាល។
លោកបាននាំភរិយាទៅលេងកម្សាន្តនៅតំបន់មួយទៀតហើយ មើលទៅពិតជាស្រស់ស្អាត ទាក់ភ្នែកខ្លាំងណាស់។ លោក ប៉ែន ចំរ៉ុង បានបញ្ជាក់បន្ថែមថា “នាំសំណព្វចិត្ត មកមើលភ្នំ ព្រៃ ទឹកថ្លា ម្តងមើលអស់ប៉ុន្មានស៊ីប្លូន ? ទំនប់ទឹកពាមល្វា”។ សូមជម្រាបផងដែរថា តារាប្រុសរូបនេះនៅតែទទួលបានការគាំទ្រខ្លាំងដដែលពីសំណាក់មហាជន ។ ក្រៅពីអាជីពនេះ តារារូបនេះ តែងលេចមុខញឹកញាប់ខ្លាំងណាស់ ក្នុងកិច្ចការសប្បុរធម៌ ជួយសង្គម មិនដែលដាច់ឡើយ៕ ដោយ វឌ្ឍនា
