កណ្ដាល៖ ក្រុមជនសង្ស័យជួញដូរនិងប្រើប្រាស់គ្រឿងញៀន២នាក់ ក្នុងចំណោមបក្ខពួក៣នាក់ ត្រូវបាននគរបាលស្រុកអង្គស្នួល ធ្វើការបង្ក្រាបឃាត់ខ្លួន និងដកហូតថ្នាំញៀនប្រភេទមេតំហ្វេតាមីនហៅម៉ាទឹកកកចំនួន២៧កញ្ចប់ យកមកអធិការដ្ឋាននគរបាលស្រុក ដើម្បីកសាងសំណុំរឿងចាត់ការតាមច្បាប់។ ករណីនេះធ្វើឡើងនៅថ្ងៃទី១៩ ខែឧសភា ឆ្នាំ២០២០ វេលាម៉ោង ៩និង៣០នាទី ត្រង់ចំណុចក្នុងបន្ទប់លេខA2 ស្ថិតក្នុងភូមិរំដេញ ឃុំម្កាក់ ស្រុកអង្គស្នួល ខេត្តកណ្តាល ។
មន្ត្រីនគរបាលស្រុកអង្គស្នួលបានឲ្យដឹងថា ជនសង្ស័យមានគ្នា៣នាក់ ចាប់ខ្លួនបាន២នាក់ ទី១-ឈ្មោះ ភាព សុិន ភេទប្រុស អាយុ១៨ឆ្នាំ ជនជាតិ ខ្មែរ មុខរបរកមិនពិតប្រាកដ មានទីលំនៅភូមិទប់មាន់ ឃុំដំណាក់រាំង ស្រុកឧដុង្គ ខេត្តកំពង់ស្ពឺ ទី២-ឈ្មោះ ផល សុភ័ក្រ ភេទប្រុស អាយុ១៩ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិរំដេញ ឃុំម្កាក់ ស្រុកអង្គស្នួល ខេត្តកណ្តាល។ ចំណែកជនសង្ស័យរត់គេចខ្លួនឈ្មោះ សន ផានិត ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិរំដេញ ឃុំម្កាក់ ស្រុកអង្គស្នួល ខេត្តកណ្តាល។. ដោយឡែកវត្ថុតាង ដកហូតមាន: ម្សៅក្រាមពណ៌សថ្លាសង្សយ័ជាសារធាតុធាតុញៀនម៉ាទឹកកក ចំនួន២៧កញ្ចប់ (ធំ២កញ្ចប់ មធ្យម ២៥កញ្ចប់),ជញ្ជីង ថ្លឹងថ្នាំញៀនចំនួន០១,ការបូបស្ពាយពណ៌ក្រហម១ សម្រាប់ដាក់ថ្នាំញៀន ,ទូរសព្ទ័ដៃ៣គ្រឿង,ម៉ូតូ២គ្រឿងនិងឧបករណ៏សម្រាប់ប្រើប្រាស់ថ្នាំញៀនិងថង់វេចខ្ចប់ថ្នាំញៀនមួយចំនួនទៀតផងដែរ ។
ប្រភពដដែលបន្តថា នៅថ្ងៃខែឆ្នាំវេលាម៉ោងកើតហេតុខាងលើ កម្លាំងប៉ុស្ដិ៍នគរបាលរដ្ឋបាលម្កាក់ បានទទួលព័ត៍មានថា មានមុខសញ្ញាកំពុងជួញដូរនិងប្រើប្រាស់ថ្នាំញៀនក្នុងបន្ទប់លេខA២ នៅភូមិរំដេញ ឃុំម្កាក់ ភ្លាមនោះកម្លាំងប៉ុស្ថិ៍ម្កាក់បានរាយការណ៍បន្តទៅកម្លាំងផ្នែកប្រឆាំងបទល្មើសគ្រឿងញៀនស្រុក ចុះទៅដល់កន្លែងកើតហេតុធ្វើការបង្ក្រាបបានឃើញជនសង្សយ័២នាក់កំពុងនៅក្នុងបន្ទប់រួចក៏បានឃាត់ខ្លួននិងធ្វើការឆែកឆេរបានរកឃើញវត្ថុតាងថ្នាំញៀន២៧កញ្ចប់ និងវត្ថុតាងពាក់ព័ន្ធមួយចំនួនទៀត យកមកអធិការដ្ឋាននគរបាលស្រុកដើម្បី
កសាងសំណុំរឿងចាត់ការតាមច្បាប់។ ចំណែកជនសង្ស័យម្នាក់ទៀត បានរត់គេចខ្លួនមុនពេលសមត្ថកិច្ចទៅដល់ ។
នៅចំពោះមុខសមត្ថកិច្ចនគរបាល ជនសង្សយ័ឈ្មោះ ភាព សុិន បានឆ្លើយសារភាពថា. ថ្នាំញៀននេះពិតជារបស់ខ្លួនប្រាកដមែន ដែលខ្លួនបានទិញពីជនម្នាក់នៅខេត្តកំពង់ស្ពឺ ដោយទិញម្តងតម្លៃ ១,០០០ដុល្លារ ដើម្បីយកមកលក់បន្ត៕ស្អាង ជ័យ
សារព័ត៌មាន នគរវត្ត តែងតែនាំមុខគេជានិច្ច
