សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់ជាបុគ្គលិកបម្រេីការងារក្នុងអាកាសយានដ្ឋានអន្តរជាតិភ្នំពេញបានសម្រេចចិត្តធ្វើអត្តឃាតដោយចង.ក សម្លាប់ខ្លួន បង្កការភ្ញាក់ផ្អើលកាលពីវេលាម៉ោង៨និង៤៩នាទីព្រឹកថ្ងៃទី២៣ ខែឧសភា ឆ្នាំ ២០២០ ស្ថិតនៅក្នុងផ្ទះតាមបណ្តាយផ្លូវបេតុងក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះមានឈ្មោះ ឡាយ គឹមឡា ភេទប្រុស អាយុ២៤ឆ្នាំ មានមុខរបរជាបុគ្គលិកបម្រើការងារនៅក្នុងអាកាសយានដ្ឋានអន្តរជាតិភ្នំពេញ ផ្នែកCheck in ។
តាមប្រភពពីបងប្អូនសាច់ញាតិនៃសពបានឲ្យដឹងថា នៅមុនថ្ងៃកើតហេតុជនរងគ្រោះបានដើរថតវីដេអូដោយបានរៀបរាប់ជាពាក្យសម្តីមានន័យថា (សូម អភ័យទោសដល់ក្រុមគ្រួសារ មេត្តាកុំកើតទុក្ខអី ) លុះនៅព្រឹកថ្ងៃកើតហេតុទើបបង្កការភ្ញាក់ផ្អើលថាជនរងគ្រោះបានចង.កស្លាប់បាត់ទៅហើយ។ ក្រោយពេលកើតហេតុក្រុមគ្រួសារបានរាយការណ៍ទៅសមត្ថកិច្ចមូលដ្ឋានឱ្យចុះមកពិនិត្យជាក់ស្តែង ហើយសមត្ថកិច្ចបានសន្និដ្ឋានថាជនរងគ្រោះពិតជាបានធ្វើអត្តឃាតដោយចង.ក សម្លាប់ខ្លួនប្រាកដមែន។ ក្រោយពីពិនិត្យរួចទើបប្រគល់សពឲ្យសាច់ញាតិយកទៅធ្វើបុណ្យតាមប្រពៃណី៕ដោយ៖ សុខាសែនជ័យ
