មុនស្លាប់សរសេរបណ្តាំលាពុកលាម៉ែ​នឹងបន្សល់រូប​ថតមនុស្សស្រីមួយសន្លឹក

ខេត្តត្បូងឃ្មុំ​ ៖​ បុរសម្នាក់ដែលប្រភ​ព​ព័ត៌មាន​អោយដឹងថា​ធ្លាក់ចូលក្នុង​វិបត្តិស្នេហ៍   ជំពាក់វាក់វិនដោះស្រាយមិនចេញ​ រហូត​  គិតខ្លីសម្រេចចិត្តធ្វើអត្តឃាតដោយចងកប្រេីក្រមាប្រវែង១.២ម៉ែត្រមកចងកភ្ជាប់ទៅនឹងរបាដំបូលក្នុង​បន្ទប់​ទឹកកំពស់២ម៉ែត្របណ្ដាលឲ្យដាច់ខ្យល់ស្លាប់​ ។ 

ហេតុការណ៍នេះកើតឡើងកាលពីថ្ងៃទី២៨  ខែឧសភា ឆ្នាំ២០២០ វេលា​ម៉ោង០៥ និង ៣០នាទីព្រឹកស្ថិតនៅភូមិត្របុស្ស ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ។ 

សពជនរងគ្រោះ​ឈ្មោះ​ បឿន ជាតិ ភេទ ប្រុស អាយុ ២៧ឆ្នាំ ជនជាតិខ្មែររស់នៅ ភូមិ ឃុំ កើតហេតុខាងលើ ។

លោកនាយប៉ុស្តិ៍នគរបាលរដ្ឋបាល និងអាជ្ញាធរមូលដ្ឋានគ្រូពេទ្យមណ្ឌលសុខភាព​បានឲ្យដឹងថា​ តាមការពិនិត្យឃើញថា​នៅក្បែរសពជនរងគ្រោះមានលិខិត០១ច្បាប់សរសេរថា(លាប៉ាលាម៉ែ)និងរូប​ថតមនុស្សស្រី០១សន្លឹក ។

ក្រោយពេលពិនិត្យយ៉ាងយកចិត្តទុកដាក់​និងធ្វេី​កំណត់​ហេតុ​ចប់​ សមត្ថកិច្ចបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕​ ដោយ​ ៖​ វណ្ណៈ

{“source_sid”:”4B9D8AC1-17AA-4545-80C9-B98E75F91950_1590673967983″,”subsource”:”done_button”,”uid”:”4B9D8AC1-17AA-4545-80C9-B98E75F91950_1590673961803″,”source”:”other”,”origin”:”unknown”}