សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ប្រជាពលរដ្ឋខ្មែរដែលមានបំណងធ្វើដំណើរចូលមកប្រទេសម៉ាឡេស៊ី ចាប់ពីថ្ងៃទី១ ខែមិថុនា ឆ្នាំ ២០២០ តទៅ រដ្ឋាភិបាលម៉ាឡេស៊ី តម្រូវឲ្យអនុវត្តនីតិវិធីចំនួន៤ចំណុច។
១- សុំការអនុញ្ញាតយល់ព្រមឲ្យចូលប្រទេសម៉ាឡេស៊ីជាមុនពីស្ថានទូតម៉ាឡេស៊ី នៅតាមប្រទេសនីមួយៗ យ៉ាងតិចរយៈពេល ០៣ថ្ងៃ មុនការចេញដំណើរ។
២- បង្ហាញលិខិតយល់ព្រមខាងលើ ដល់ក្រុមហ៊ុនអាកាសចរណ៍ ឬក្រុមហ៊ុនដឹកជញ្ជូនសាធារណៈនិងមន្ត្រីអន្តោប្រវេសន៍ម៉ាឡេស៊ី។
៣- ពេលមកដល់ច្រកចូលអន្តរជាតិរបស់ប្រទេសម៉ាឡេស៊ី អ្នកដំណើរទាំងអស់នឹងត្រូវត្រួតពិនិត្យតាមច្បាប់អន្តោប្រវេសន៍ និងត្រួតពិនិត្យសុខភាពរកជំងឺកូវីដ១៩។
ក្នុងករណី មានជំងឺកូវីដ១៩ អ្នកដំណើរនោះនឹងត្រូវបញ្ជូនទៅព្យាបាលនៅតាមមន្ទីរពេទ្យដែលរៀបចំដោយរដ្ឋាភិបាលម៉ាឡេស៊ី។
ក្នុងករណី មិនមានជំងឺកូវីដ១៩អ្នកដំណើរនឹងត្រូវបញ្ជូនទៅធ្វើចត្តាឡីស័ករយៈពេល ១៤ថ្ងៃនៅតាមទីកន្លែង ឬសណ្ឋាគារដែលរៀបចំដោយរដ្ឋាភិបាលម៉ាឡេស៊ី ដោយត្រូវ បង់ទៅតាមតម្លៃជាក់ស្តែងដែលកំណត់ដោយរដ្ឋាភិបាលម៉ាឡេស៊ី ជាមួយសណ្ឋាគារ (ចាប់ពី១៥០រីងហ្គីត/ថ្ងៃ)។
៤- ចំពោះជនបរទេស ដែលមានប្រភេទទិដ្ឋាការផ្ទះទី២ (Malaysia My Second Home –MM2H) ត្រូវការអនុញ្ញាតយល់ព្រមឲ្យចូលប្រទេសម៉ាឡេស៊ីជាមុនពីនាយកដ្ឋានអន្តោប្រវេសន៍ម៉ាឡេស៊ី តាមអីម៉ែល: kpi@imi.gov.my និងnaeem.azmi@imi.gov.my ៕ ដោយ ៖សុខខេមរា
សូមអានសេចក្តីជូនដំណឹងលម្អិតរបស់ស្ថានទូតកម្ពុជា ប្រចាំប្រទេសម៉ាឡេស៊ីដូចខាងក្រោមនេះ៖
