បញ្ជូនខ្លួនជនសង្ស័យម្នាក់ទៅតុលាការពាក់ព័ន្ធជួញដូរថ្នាំញៀន

ខេត្តបាត់ដំបង ៖ នៅព្រឹកថ្ងៃទី៣០ខែឧសភានេះ កម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកកំរៀង បានកសាងសំណុំរឿងជនសង្ស័យម្នាក់បញ្ជូនខ្លួនទៅសាលាដំបូងខេត្តបាត់ដំបងចាត់ការតាមច្បាប់ពាក់ព័ន្ធករណីជួញដូរគ្រឿងញៀន។

មន្ត្រីនគរបាលស្រុកកំរៀងបានឲ្យដឹងថា ជនសង្ស័យឈ្មោះ សឿន វណ្ណា ហៅទូច ភេទប្រុសអាយុ៣៦ឆ្នាំ រស់នៅភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង។ជននេះត្រូវបានសមត្ថកិច្ចចាប់ខ្លួនបាននៅវេលាម៉ោង ៤ រសៀលថ្ងៃទី២៩ ខែឧសភា ឆ្នំា២០២០   នៅចំណុចក្រុមទី០៦  ភូមិ ដូង ឃុំបឹងរាំង ស្រុកកំរៀងខេត្តបាត់ដំបង ។ក្នុងនោះដែរសមត្ថកិច្ចរឹបអូសវត្ថុតាងបានរួមមាន

-ម្សៅក្រាមពណ៌សថ្លា មានចំនួន ១៣ថង់ ច្រកក្នុងថង់ប្លាស្ទិកពណ៌ថ្លាស សង្ស័យមានសារធាតុញៀននិងទូរសព្ទ័ដៃ១គ្រឿង៕ដោយ÷ប្រាថ្នា