សមត្ថកិច្ចឃាត់ខ្លួន ជនសង្ស័យម្នាក់ពីបទលួចម៉ូតូ

ភ្នំពេញ៖ បុរសជាជនសង្ស័យម្នាក់ត្រូវកម្លាំងនគរបាលខណ្ឌដង្កោឃាត់ខ្លួនក្រោយពីលួចម៉ូតូគេនៅសង្កាត់ផ្សារដើមថ្កូវពេលដែលម្ចាស់ដាក់នៅជាងជួសជុល។ហេតុការណ៍នេះកើតឡើងកាលពីយប់ថ្ងៃទី៣១ ខែ ឧសភា ឆ្នាំ ២០២០នៅចំណុចផ្លូវលេខ២៧១ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ជនរងគ្រោះជាម្ចាស់ម៉ូតូឈ្មោះ ឡុច លីណា ភេទប្រុស អាយុ ៣២ឆ្នាំ មុខរបរ នគរបាល ស្នាក់នៅសង្កាត់ផ្សារថ្មីទី២ ខណ្ឌដូនពេញ ។

ចំណែកជនសង្ស័យឈ្មោះ ផន ភក្ដី ភេទប្រុស អាយុ ២៨ ឆ្នាំ មុខរបររើសអេតចាយ ស្នាក់នៅភូមិបឹងសាឡាង ខណ្ឌទួលគោកត្រូវបានសមត្ថកិច្ចឃាត់ខ្លួនករណីលួចម៉ូតូ ។

បើតាមនគរបាលខណ្ឌចំការមនបានឱ្យដឹងថា មានមន្ត្រីនគរបាលម្នាក់បានមកដាក់ពាក្យបណ្ដឹងហើយបានរាយការណ៍បន្ថែមប្រាប់នគរបាលប៉ុស្តិ៍ផ្សារដើមថ្កូវថាគាត់បានជិះម៉ូតូម៉ាកSLពណ៌ត្រួយចេកពាក់ស្លាកលេខនគរបាល១- ៨៨០១មកលេងផ្ទះមិត្តភក្តិនាព្រឹកថ្ងៃទី៣១ ខែ ឧសភា ឆ្នាំ ២០២០ហើយបានចាក់សោ.កម៉ូតូត្រឹមត្រូវ លុះបន្តិចក្រោយមកក៏ស្រាប់តែចោរឆ្កឹះសោម៉ូតូលួចយកទៅបាត់ ។ក្រោយពីទទួលពាក្យបណ្តឹងរបស់ជនរងគ្រោះហើយមកដល់ម៉ោង៤ទៀបភ្លឺឈានចូលថ្ងៃទី០១ ខែ មិថុនា ឆ្នាំ ២០២០កម្លាំងនគរបាលប៉ុស្តិ៍សង្កាត់ព្រៃស ខណ្ឌដង្កោបានជិះម៉ូតូល្បាតក្នុងមូលដ្ឋានក៏ស្រាប់តែឃើញបុរសជាមុខសញ្ញាប្រើប្រាស់គ្រឿងញៀនបែរជាជិះម៉ូតូSLពាក់ស្លាកលេខនគរបាលទៅវិញ។ដោយមានការសង្ស័យកម្លាំងសមត្ថកិច្ចក៏ឃាត់សួរនាំទើបបុរសជិះម៉ូតូឆ្លើយថាបានលួចម៉ូតូនេះពីម្ដុំផ្លូវលេខ២៧១សង្កាត់ផ្សារដើមថ្កូវ។ ពេលនោះនគរបាលខណ្ឌដង្កោបានទំនាក់ទំនងទៅនគរបាលខណ្ឌចំការមនដើម្បីឱ្យមកទទួលយកជនសង្ស័យទៅសាកសួរបន្ត ។

ចំណែកម៉ូតូដកហូតពីជនសង្ស័យប្រគល់ឱ្យជនរងគ្រោះប្រើប្រាស់វិញ ។

បច្ចប្បន្នជនសង្ស័យត្រូវបានឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌចំការមនរង់ចាំកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់ ៕ដោយ៖ស រស្មី