សារព័ត៌មាន នគរវត្ត តែងតែនាំមុខគេជានិច្ច
សារព័ត៌មានBBC Sport បានផ្សាយនៅព្រឹកថ្ងៃចន្ទនេះថា ខ្សែប្រយុទ្ធ Odion Ighalo បានបន្តកុងត្រាក្នុងលក្ខខ័ណ្ឌខ្ចីជើងរបស់ក្លឹប Manchester United រហូតដល់ខែមករា ឆ្នាំ២០២១ ។
Ighalo អាយុ៣០ឆ្នាំបានចូលរួមជាមួយក្លឹបបិសាចក្រហមកាលពីខែមករាដោយខ្ចីជើងពីក្រុម Shanghai Superhua របស់ចិនគឺពីដំបូងរហូតដល់ថ្ងៃទី៣១ ខែឧសភា ប៉ុន្តែត្រូវក្លឹបបន្តខ្ចីជើងទៀត។
អ្នកចាត់ការទូទៅរបស់ Manchester United លោក Ole Gunnar Solskjaer បាននិយាយថា “វាគឺជាក្តីសុបិន្តសម្រាប់គាត់ហើយសង្ឃឹមថាគាត់អាចបញ្ចប់នូវអ្វីដែលគាត់បានចាប់ផ្តើមនិ ងឈ្នះពានរង្វាន់ជាមួយយើង” ។ Shanghai Superhua គឺជាអ្នកពូកែរកយើងដោយអនុញ្ញាតឱ្យគាត់លេងឱ្យក្លឹបសុបិន្តរបស់គាត់” ។
Ighalo រកបាន៤គ្រាប់ក្នុងការបង្ហាញខ្លួនចំនួន៨ដងសម្រាប់ក្រុមបិសាចក្រហមនៅ Old Trafford រួមទាំងការរកគ្រាប់បាល់មួយគ្រាប់ក្នុងការប្រកួតជម្រុះដណ្តើមពានរង្វាន់ Europa League ៥-០ លើក្រុម LASK កាលពីថ្ងៃទី១២ ខែមីនាដែលជាការប្រកួតចុងក្រោយរបស់ United មុនរដូវកាលត្រូវបានផ្អាកដោយសារជំងឺកូវីដ-១៩ ។
ក្របខ័ណ្ឌ Premier League នឹងចាប់ផ្តើមលេងឡើងវិញនៅថ្ងៃទី១៧ ខែមិថុនាខាងមុខ។ ក្រុមបិសាចក្រហមឈរនៅចំណាត់ថ្នាក់លេខ៥ ដោយចាញ់៣ពិន្ទុ ក្រុមលេខ៤ Chelsea ។
សូមបញ្ជាក់ថា ក្រុមរបស់ Solskjaer កំពុងស្ថិតក្នុងវគ្គ៨ក្រុមចុងក្រោយនៃពានរង្វាន់ FA Cup ហើយមានគ្រាប់បាល់នាំមុខ៥គ្រាប់នៅជើងទី២នៃការប្រកួត Europa Leagueវគ្គ១៦ក្រុមចុងក្រោយរបស់ពួកគេទល់នឹង LASK ផងដែរ ៕ដោយ៖ភារៈ
