សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ៣នាក់ ត្រូវកម្លាំងសមត្ថកិច្ចនគរបាលប៉ុស្តិ៍ភ្នំពេញថ្មីឃាត់ខ្លួន បានជាបន្តបន្ទាប់ករណីប្រើប្រាស់គ្រឿងញៀនដោយខុសច្បាប់ ។
យោងតាមរបាយការណ៍របស់ប៉ុស្តិ៍នគរបាលភ្នំពេញថ្មីបានឲ្យដឹងថា៖ជនសង្ស័យទី១ឈ្មោះ សោម បញ្ញា ភេទប្រុស អាយុ២២ឆ្នាំ ជនជាតិខ្មែរមុខរបរគ្មាន ស្នាក់នៅបន្ទប់ជួល ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ឃាត់ខ្លួននៅថ្ងៃទី០៣ ខែមិថុនា ឆ្នាំ២០២០ វេលាម៉ោង២៣និង៥០នាទី ចំណុចតាមផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ (ដោយពិនិត្យទឹកនោម) ។ ទី២ឈ្មោះ ចេន វិចិត្រភេទប្រុសអាយុ២០ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ភូមិអូរបែកក្អមសង្កាត់អូរបែកក្អម ខណ្ឌសែនសុខ។ នឹងទី៣ឈ្មោះ ភាងវុទ្ធី ភេទប្រុសអាយុ១៩ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ភូមិអូរបែកក្អមសង្កាត់អូរបែកក្អម ខណ្ឌសែនសុខ (ពិនិត្យទឹកនោម)ដកហូតទូរសព្ទ័ដៃ០២គ្រឿង ។
អ្នកទាំងពីនេះឃាត់ខ្លួនបាននៅថ្ងៃទី០៤ ខែមិថុនា ឆ្នាំ២០២០ វេលាម៉ោង០០ និង៥០នាទីរំលងអាធ្រាត្រ នៅចំណុចតាមផ្លូវលេខ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
បច្ចុប្បន្ន ជនសង្ស័យទាំង៣នាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕
ដោយ៖ចន្ទ លីហ្សា
