សារព័ត៌មាន នគរវត្ត តែងតែនាំមុខគេជានិច្ច
តាមការចុះផ្សាយរបស់ទស្សនាវដ្តី Forbesបានឲ្យដឹងថា ខ្សែប្រយុទ្ធសញ្ជាតិព័រទុយហ្គាល់ Cristiano Ronaldo របស់ក្លឹប Juventus បានជាប់ឈ្មោះជាមហាសេដ្ឋីមានប្រាក់ពាន់លានដុល្លារដំបូងគេបង្អស់ នៅក្នុងវិស័យបាល់ទាត់នៅពេលបច្ចុប្បន្ន ។ ចំនួនទឹកប្រាក់ដែលកីឡាករខាងលើនេះរកបានមានសរុបប្រមាណជាង ១ពាន់លានដុល្លារ។
បើគិតតែពី ប្រាក់ខែសុទ្ធដែល Ronaldo ទទួលបាននៅក្នុងរយៈពេល ១៧ឆ្នាំកន្លងទៅ បានប្រាក់សុទ្ធសរុបជាង ៦៥០លានដុល្លារ និងអាចឡើងទៅដល់ជាង ៧៦៥លានដុល្លារនៅពេលចប់កុងត្រាជាមួយក្លឹបនៅឆ្នាំ ២០២២ខាងមុខនេះ។
សូមបញ្ជាក់ថា Ronaldo ជាប់ចំណាត់ថ្នាក់លេខ៤ ជាតារាដែលរកចំណូលច្រើនបំផុតនៅក្នុងលោកសម្រាប់ទស្សនាវដ្ដី Forbes ឆ្នាំ២០២០។កីឡាកររូបនេះបានរកចំណូលរហូតដល់ជាង១០៥លានដុល្លារកាលពីឆ្នាំ២០១៩ និងកើនឡើងនៅក្នុងឆ្នាំ២០២០នេះ ៕ដោយ៖ភារៈ
