ស្រែកហ៊ោរៗសមត្ថកិច្ចចូលដល់ចែកជើងគ្នារត់ព្រាត

   កំពង់​ស្ពឺ​ ៖ក្រុមមនុស្សញៀនល្បែងបញ្ជល់មាន់មួយក្រុមដែលមានខ្លះគេហៅថាជាគ្រូជល់មាន់ផងនោះត្រូវបាននគរបាលស្រុកឧដុង្គចុះបង្រ្កាបធ្វើអោយអ្នកទាំងនោះរត់ជាន់ជើងគ្នាយកប្រាសអាយូសរៀងៗខ្លួន។ចុងក្រោយអ្នករត់រួចក៏នៅជាប់ម៉ូតូរីឯអ្នករត់មិនរួចជាប់ទាំងខ្លួនជាប់ទាំងម៉ូតូត្រូវសមត្ថកិច្ចយកមកដាក់តម្រង់ជួរគ្នាថតរូបបង្ហាញសាធារណជន។

ការបង្ក្រាបនេះធ្វើឡើងកាលពីវេលាម៉ោង១១.៣០នាទី​ព្រឹក ថៃ្ងទី​០៧​ ខែមិថុ​នា​ ឆ្នាំ​២០២០​  ស្ថិតនៅចំណុចលោកតាបាក់ឡៅ ខាង​លិចភូមិព្រៃទទឹង ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ ចំងាយ ប្រហែល ៥០០ ម៉ែត្រ ពីភូមិ ។

ប្រភពពីសមត្ថកិច្ចបានឲ្យដឹងថាដោយទទួលសេចក្តីរាយការណ៍ពីប្រជាពលរដ្ឋលោកអធិការស្រុកបានដឹកនាំកម្លាំងក្រោមឱវាទចុះទៅធ្វើការបង្ក្រាបភ្លាមតែម្ដងបន្ទាប់ពីក្រុមអ្នកជល់មាន់មួយក្រុមបានណាត់គ្នាទៅចូលនៅចំណុចខាងលើ។

ប្រភពបន្តថាប្រតិបត្ដិការបង្ក្រាបក្រុមអ្នកជល់មាន់នេះសមត្ថកិច្ចឃាត់ខ្លួនជនសង្ស័យបាន០៨ នាក់ រួមមាន៖

  ១. ឈ្មោះ ជួន ជីម ភេទប្រុស អាយុ៤៦ឆ្នាំ

  ២.ឈ្មោះ ហ៊ន អឿន ភេទប្រុស អាយុ​៥៣​ឆ្នាំ

  ៣.ឈ្មោះ សួន ចាន្ធី ភេទប្រុស អាយុ៣២​ឆ្នាំ

  ៤.ឈ្មោះ ឆុំ សៅ ភេទប្រុស អាយុ៣១ឆ្នាំ

  ៥.ឈ្មោះ ថេត ធឿន ភេទប្រុស អាយុ៥៤

  ៦.ឈ្មោះ ជី ក្រឹម ភេទប្រុស អាយុ ៦៣ឆ្នាំ(គ្រូមាន់)

  ៧.ឈ្មោះ វ៉ត់ វណ្ណី ភេទប្រុស អាយុ១៦ឆ្នាំ

  ៨.ឈ្មោះ មៅ អ៊ឹម ភេទប្រុស អាយុ៥៧ឆ្នាំ(គ្រូមាន់)

អ្នកទាំង​ប្រាំបីនាក់​ គឺមានទីលំនៅក្នុងខេត្ដកំពង់ស្ពឺ​ និងខេត្ត​កណ្តាល​ ។

​ លោកវរសេ​នី​យ៍ឯក​ ខឹម​ សាម៉ុន​ អធិការ​ស្រុក​ឧដុង្គ​ បានឲ្យដឹងថាដោយ​បានការចង្អុលណែនាំពីលោកឧត្ដមសេនី​យ៍ទោ​ សម​ សាមួន​ ស្នងការនគរបាល​ ខេត្ដកំពង់ស្ពឺ​ ជាក់ស្ដែងកំលាំង​បង្រ្កាបនិងដកហូតបានសម្ភារៈ​ រួមមាន​ ៖​

  +​ ម៉ូតូ  ចំនួន ១៥គ្រឿង

  +​ មាន់គកជល់ ចំនួន ០៥ក្បាល(ងាប់​ ០១​ក្បាល)

  +​ ជញ្ជីងថ្លឹង​ ចំនួន ០១ គ្រឿង​

  +​ ទូរស័ព្ទដៃចំនួន ០៣គ្រឿង

  +​ ប្រាក់រៀលចំនួន ៧៩៥០០រៀល

  +​ កាបូបស្ពាយចំនួន ០១និង សម្ភារៈ​ស្កុតបិត​រុំខ្នាយមាន់​ ជៀលក្រុងមាន់​ មួយចំនួន​ ។

បច្ចុប្បន្ន​ជនញៀនល្បែងទាំង៨នាក់រួមជាមួ​យវត្ថុតាង​ បានបញ្ជូនមកអធិការដ្ឋាននគរ​បា​លស្រុក​ ដេីម្បី​កសាងសំណុំរឿងបញ្ជូន​មក​ការិយាល័យព្រហ្មទណ្ឌ​ នៃស្នងការដ្ឋាន​នគ​របាលខេត្ដកំពង់ស្ពឺ​ ចាត់កា​រតាមនីតិវិធី៕ដោយ៖សេនាស័ក្តិ