សារព័ត៌មាន នគរវត្ត តែងតែនាំមុខគេជានិច្ច
ខេត្តមណ្ឌលគិរី ៖ សត្វពង្រូលចំនួន១ក្បាល ត្រូវបានមន្រ្តីឧទ្យានុរក្សដែនជម្រកសត្វព្រៃកែវសីមា សង្រ្គោះពីការតាមប្រម៉ាញ់ ហើយបានយកមកពិនិត្យនិងថែទាំសុខភាពបឋម រួចលែងវាចូលទៅរស់នៅក្នុងព្រៃធម្មជាតិវិញ កាលពីវេលាយប់ថ្ងៃទី៩ ខែមិថុនា ឆ្នាំ២០២០ នៅចំណុចព្រៃស្រោង ក្នុងភូមិសាស្រ្តដែនជម្រកសត្វព្រៃកែវសីមា។
ជាសត្វរាត្រីចរ ពង្រូល គឺជាថនិកសត្វស្ថិតក្នុងក្រុមមានដោយកម្រ និងមានឈ្មោះជាភាសាអង់គ្លេស Sunda Pangolin ត្រូវបានកំណត់ក្នុងឧបសម្ព័ន្ធទី២ នៃអនុសញ្ញា CITES ហើយក៏ត្រូវបានចាត់ចូលក្នុងបញ្ជីក្រហមនៃអង្គការសហភាពអន្តរជាតិអភិរក្សធនធានធម្មជាតិ (IUCN) ថាជាប្រភេទសត្វដែលទទួលការគំរាមកំហែងនិងជិតផុតពូជ។ ហេតុនេះ មន្រ្តីបរិស្ថានបានអំពាវនាវឲ្យមានការចូលរួមប្រយុទ្ធប្រឆាំងនឹងការយាយីទីជម្រក ការប្រម៉ាញ់ និងការដាក់អន្ទាក់ ព្រមទាំងទប់ស្កាត់ការធ្វើជំនួញទៅលើសត្វព្រៃគ្រប់ប្រភេទ៕សហការី
