ព័ត៌មានទាន់ហេតុការណ៍៖

ការប្រកួតក្របខ័ណ្ឌ Premier League ត្រឡប់មកវិញនឹងមិនត្រូវឲ្យពាក់ម៉ាស់ និងគ្មានក្មេងរើសបាល់នៅកីឡដ្ឋានឡើយ

ចែករំលែក៖

អង់គ្លេស៖ កីឡាករ និងបុគ្គលិក គ្រូបង្វឹកនឹងមិនតម្រូវឱ្យពាក់ម៉ាស់នៅឯពហុកីឡដ្ឋានឡើយនៅពេលដែលក្របខ័ណ្ឌ Premier League ចាប់ផ្តើមឡើងវិញ។ចំណែកពីមុនធ្លាប់តែមានក្មេងៗចាំរើសបាល់ក៏មិនអនុញ្ញាតឲ្យមានដែរខណៈដែលកីឡាករនឹងត្រូវបានលើកទឹកចិត្តមិនឱ្យស្តោះទឹកមាត់ ញើសសំបោរក្នុងទីលានប្រកួតដែរ ។

ក្លឹបនានាបានព្រមព្រៀងលើពិធីសារវេជ្ជសាស្រ្តនិងប្រតិបត្តិការមួយចំនួនសម្រាប់ការចាប់ផ្តើមរដូវកាលឡើងវិញនៅឯកិច្ចប្រជុំកាលពីថ្ងៃព្រហស្បតិ៍។ វានឹងមានការកំណត់យ៉ាងតឹងរឹងចំពោះអ្នកដែលត្រូវបានអនុញ្ញាតឱ្យចូលទៅក្នុងពហុកីឡដ្ឋាននៅថ្ងៃប្រកួតនិងទីធ្លានានានឹងត្រូវបែងចែកជាតំបន់រួមទាំងផ្លូវរូងក្រោមដី និងទីលាន។

សរុបទៅមានតែមនុស្ស ៣០០ នាក់ប៉ុណ្ណោះដែលនឹងមាននៅក្នុងពហុកីឡដ្ឋាននីមួយៗដែលមានចំនួនមិនលើសពី១១០ នាក់នៅក្នុងតំបន់ក្រហមដែលរួមមានទាំងបុគ្គលិកក្លឹបនិងមន្រ្តី។ វានឹងមានការសំអាតគ្រប់ជ្រុងគោលដៅមុនថ្ងៃប្រកួតមុន និងក្រោយការប្រកួតនីមួយៗ។ វត្ថុផ្សេងៗទៀតបម្រើឲ្យការទទួលទានរបស់កីឡាករក្នុងកីឡដ្ឋានក៏ត្រូវបានសម្អាតច្រើនជាងមុនក្នុងអំឡុងពេលសម្រាកក្នុងតង់ ។

ក្លឹបនឹងត្រូវបានលើកទឹកចិត្តឱ្យហោះហើរក្នុងចម្ងាយឆ្ងាយដើម្បីកំណត់ការប្រើប្រាស់សណ្ឋាគារហើយរាល់កីឡាករនិងគ្រូបង្វឹកនឹងត្រូវត្រួតពិនិត្យសីតុណ្ហភាពមុនពេលពួកគេទៅដល់កីឡដ្ឋានផងដែរ ខណៈកីឡាករនឹងត្រូវធ្វើអនាម័យនៅពេលពួកគេចូលនិងចាកចេញពីកន្លែងលេង

សូមបញ្ជាក់ថា ក្រុម Aston Villa និង Sheffield United នឹងក្លាយជាការប្រកួតដំបូងនៅពេលដែលលីគនឹងវិលត្រឡប់មកវិញនៅថ្ងៃទី១៧ ខែមិថុនា។ នៅថ្ងៃព្រហស្បតិ៍ម្សិលមិញក្របខ័ណ្ឌ Premier League បានប្រកាសថា នឹងមានភាពស្ងៀមស្ងាត់មួយនាទីដើម្បីចងចាំអ្នកដែលបានស្លាប់ដោយជំងឺឆ្លងកូវីដ-១៩មុនពេលការប្រកួតដំបូង ៕ដោយ៖ភារៈ


ចែករំលែក៖