សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងសមត្ថកិច្ចប៉ុស្តិ៍នគរបាលរដ្ឋបាលចោមចៅទី៣ ឆ្មក់បង្ក្រាបជនសង្ស័យចំនួន៣នាក់ខណៈកំពុងពួនសំងំប្រេីប្រាស់គ្រឿងញៀនក្នុងដីឡូត៍មួយកន្លែង ក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យចំនួន៣នាក់នោះទី១-ឈ្មោះយន់ ចាន់ណាក់ ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅទីតាំងខាងលេី មានស្រុកកំណេីតនៅភូមិត្រពាំងថ្ម ឃុំក្រឡា ស្រុកកំពង់សៀម ខេត្តកំពង់ចាម។ ទី២-ឈ្មោះអេង ពិសាល ភេទប្រុស អាយុ៣៣ឆ្នាំ មុខរបរមិនពិតប្រាកដ ស្នាក់នៅភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ។
ទី៣-ឈ្មោះចាបសុភ័ក្ត ភេទប្រុស អាយុ៣៧ឆ្នាំ មុខរបរមិនពិតប្រាកដ ។
ស្នាក់នៅទីតាំងខាងលេី។
តាមសមត្ថកិច្ចបានឱ្យដឹងថា មុននឹងឈានទៅឃាត់ខ្លួនជនសង្ស័យទាំង៣នាក់នេះ គឺមានបងប្អូនប្រជាពលរដ្ឋល្អបានរាយការណ៍មកថា ទីតាំងខាងលេីមានជនសង្ស័យលួចមកសំងំបោះតង់ប្រេីប្រាស់គ្រឿងញៀននិងដេីរអុកឡុកអ្នកភូមិ លួចទ្រព្យសម្បត្តិ ធ្វេីឱ្យអ្នកភូមិក្តៅក្រហាយ ។ ក្រោយពីទទួលព័ត៌មាននេះភ្លាម លោក ថេង កុសល នាយប៉ុស្តិ៍រដ្ឋបាលចោមចៅទី៣ បានដឹកនាំកម្លាំងចុះបង្ក្រាបភ្លាមៗតែម្តងនិងឃាត់ខ្លួនជនសង្ស័យបានចំនួន៣នាក់ រួមជាមួយឧបករណ៍ប្រេីប្រាស់គ្រឿងញៀនមួយចំនួននិងដាវមួយដេីម។
បច្ចុប្បន្នជនសង្ស័យត្រូវបានត្រូវបានសមត្ថកិច្ចជំនាញកសាងសំណុំរឿងបញ្ជូនទៅអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមនីតិវិធី៕ ដោយ៖សុខាសែនជ័យ
