ព័ត៌មានទាន់ហេតុការណ៍៖

ស៊ីន យូ​ប៊ីន និង​ខាត់ វ៉ៃហាំ​ងកាន់តែស្និទ្ធស្នាលដូចប្តីប្រពន្ធ

ចែករំលែក៖

ភ្នំពេញ៖ប៉ុន្មានឆ្នាំចុងក្រោយនេះ បានបង្កើតឲ្យមានការលេចចេញភាពសង្ស័យរឿងទំនាក់ទំនងស្នេហាក្រៅឆាករហូតពេលខ្លះពួកគេបណ្តើរគ្នាចេញទៅក្រៅប្រទេសជាញឹកញាប់ផងដែរ។ កាន់តែបញ្ជាក់អំពីចំណងស្នេហាពួកគេបង្កើនភាពផ្អែមល្ហែមរួមគ្នាច្រើនបន្តមិនខុសពីគូស្វាមីភរិយាថ្មីថ្មោងនោះទេ។

ស៊ី​ន យូប៊ី​ន និងខា​ត់ វ៉ៃហាំ​ង បានធ្វើ​ឲ្យ​ទស្សនិកជ​នភ្ញា​ក់ផ្អើ​លខ្លាំ​ងក្រោយពី​ពួកគេ​​ទ​ទួល​​បាន ឱកា​ស​ស​​ម្តែង​ភាព​​យ​ន្ត​បរទេស និង​ចេញទៅ​បង្ហាញមុ​ខ​ក្នុង​ព្រឹត្តិ​ការ​ណ៍អន្ត​រជា​តិ​ជាច្រើ​នបន្ត​បន្ទា​ប់។ ពួកគេអះអាងថាក្រោយ​ចាប់ដៃ​គូ​គ្នាត្រឹ​មតែ​រយៈ​ពេល​ខ្លី គឺលេចចេ​ញកា​រ​គាំទ្រច្រើនរួ​មទាំ​ងបា​ន​សម្តែ​ងភា​ព​យន្ត​ក្នុង​ស្រុក​ជាច្រើ​នរួ​មគ្នា។ ពួក​គេទាំ​ងពី​រក៏​មានឱ​កាស​បង្ហាញវ​ត្តមា​នក្នុ​ងព្រឹត្តិ​ការណ៍​ជួបជុំ​សិល្ប​ករលំ​ដាប់​អន្ត​រជាតិនា​នាជា​ច្រើន​បន្ត​បន្ទាប់។ថ្មីៗនេះ រូបថតស្និទ្ធស្នាលបែបគូស្នេហ៍ជាច្រើនសន្លឹក ត្រូវបានពួកគេបង្ហាញជាសាធារណៈដែលបញ្ជាក់ពីចំណងស្នេហាដ៏រឹងមាំ រហូតអ្នកសិល្បៈដែលបានស្គាល់ពួកគេលើកឡើងថា ស្នេហានេះមិនខុសពីប្តីប្រពន្ធទេពោលគឺពួកគេតែនៅកៀកកិតជិតគ្នាមិនដាច់ដែលសូម្បីការងារជាច្រើនត្រូវបានអ្នកផលិតកម្មវិធីពេញចិត្តនឹងការធ្វើការរួមគ្នាជាកញ្ចប់ផងដែរ។
រូបភាពស្និទ្ធស្នាលថ្មីនៅក្នុងអាងហែលទឹកកាន់តែធ្វើឲ្យអ្នកគាំទ្រជំរុញឲ្យគូស្នេហ៍មួយនេះយកគ្នាជាគូជីវិត ព្រោះតែការដាក់បញ្ចូលអារម្មណ៍បានយ៉ាងល្អក្នុងការថតរូបថតបែបសិល្បៈទាំងនេះ ។ ទោះជាយ៉ាងណាស៊ីន យូប៊ីន បញ្ជាក់​ថាថ្មី​ៗកន្លង​មក​នាង​និង​វ៉ៃហាំ​ង ទទួល​បាន​ការ​ងា​រច្រើ​នពីផ​លិតករ​ក្នុង​និ​ងក្រៅ​ស្រុក ហើយ​ស​ម្រាប់​ឆ្នាំនេះ​នាង​នៅតែ​ទទួ​លបាន​ឱកា​សជា​ច្រើ​នបន្តទៀ​តប៉ុន្តែនា​ង​ស្នើសុំ​មិនទា​ន់ប​ញ្ជាក់។ កញ្ញាថារឿងស្នេហាគឺត្រូវរងចាំមើលថាតើទៅថ្ងៃមុខយ៉ាងណាគឺនាងមិនទាន់ដឹងថានឹងអាចឈានដល់ដំណាក់កាលស្នេហាឬយ៉ាងណានោះទេ។
អ្នកសិល្បៈដែលធ្លាប់រួមការងារជាមួយពួកគេសុទ្ធតែអះអាងថាការយកចិត្តទុកដាក់ ការរួមដំណើរជាមួយគ្នាគឺមិនខុសពីគូស្នេហ៍ ឬគូស្វាមីភរិយាឡើយ ប៉ុន្តែពួកគេនៅមិនទាន់កំណត់យកថ្ងៃចូលរោងការនៅឡើយ៕ដោយ៖វឌ្ឍនា


ចែករំលែក៖