ព័ត៌មានទាន់ហេតុការណ៍៖

រថយន្តឡិចស៊ីសNX200tបេីកបុកគ្នាជាមួយរថយន្តស្តារិចត្រង់ផ្លូវបំបែកជាបួនជជែកយកត្រូវរៀងខ្លួន

ចែករំលែក៖

ភ្នំពេញ​៖​ រថយន្តឡិចស៊ីសNX200tមួយគ្រឿងរងការខូចខាតផ្នែកខាងមុខធ្លាក់ស្លាកលេខ ចំណែករថយន្តស្តារិចរងការខូចខាតមួយចំហៀងផ្នែកខាងឆ្វេង​ ក្រោយពីពួកគេបេីកបុកគ្នានៅត្រង់ចំណុចផ្លូវបំបែកជាបួន​ កាលពីវេលាម៉ោង១០និង៣០នាទីយប់​ ថ្ងៃទី១៥​ ខែមិថុនា ឆ្នាំ២០២០​ នៅចំណុចផ្លូវលេខ៩៥កែងផ្លូវលេខ២៨៨​ ស្ថិតក្នុងសង្កាត់បឹងកេងកងទី២​ ខណ្ឌបឹងកេងកង​ រាជធានីភ្នំពេញ​។ 

តាមសាក្សីនៅកន្លែងកេីតហេតុបានឲ្យដឹងថា​ មុនពេលកេីតហេតុគេបានឃេីញរថយន្តម៉ាកស្តារិច​ពណ៌ស​ ពាក់ស្លាកលេខភ្នំពេញ2BB-8493 បេីកបរដោយបុរសម្នាក់ធ្វេីដំណេីរតាមបណ្តោយផ្លូវលេខ២៨៨​ ក្នុងទិសដៅពីលិចទៅកេីត​ ខណៈមកដល់ចំណុចកេីតហេតុស្រាប់តែមានរថយន្តម៉ាកឡិចស៊ិីសNX200t ពណ៌ប្រផេះ​ ពាក់ស្លាកលេខភ្នំពេញ2BF -8318 ធ្វេីដំណេីរតាមបណ្តោយផ្លូវលេខ៩៥ក្នុងទិសដៅពីជេីងទៅត្បូង​  បានជ្រុលទៅបុកគ្នាបណ្តាលឲ្យរថយន្តឡិចស៊ីសរងការខូចខាតផ្នែកកាងខាងមុខនិងធ្លាក់ស្លាកលេខ  ចំណែករថយន្តស្តារិចឆ្កូតមួយចំហៀងខាងឆ្វេង។ 

ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុនិងធ្វេីការសម្របសម្រួលតែដោយសារភាគីទាំងសងខាងជជែកយកត្រូវរៀងខ្លួននោះទេីបសមត្ថកិច្ចជំនាញធ្វេីការវាស់វែងយកទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញដេីម្បីរង់ចាំដោះស្រាយនៅពេលក្រោយ៕

ដោ​យ​  ៖សុខាសែនជ័យ​


ចែករំលែក៖