ឃាត់ខ្លួនយុវជនម្នាក់ រួមជាមួយថ្នាំញៀន ២កញ្ចប់ធំ និង១២កញ្ចប់តូច នៅស្រុកកោះអណ្តែត

ខេត្តតាកែវ៖ ក្រោមការសម្របសម្រួលនីតិវិធីដោយ លោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ កាលនៅវេលាម៉ោង១៤និង៤០នាទីរសៀលថ្ងៃទី២០ ខែមិថុនា ឆ្នាំ២០២០ លោកវរសេនីយ៍ឯក ង៉ែត ចាន់ធី មេបញ្ជាការរងកងរាជអាវុធ ហត្ថខេត្តតាកែវ បានដឹកនាំកំម្លាំងចុះបង្ក្រាបករណីជួញដូរសារធាតុញៀនដោយខុសច្បាប់ នៅចំនុចភូមិគោកដូង ឃុំពេជសារ ស្រុកកោះអណ្តែត ខេត្តតាកែវ។

ក្នុងប្រតិបត្តិការចុះបង្ក្រាបករណីគ្រឿងញៀននេះ កម្លាំងជំនាញបានធ្វើការឃាត់ខ្លួន ជនសង្ស័យបាន០១នាក់ ឈ្មោះឡោ ឧសភា  ភេទប្រុស អាយុ២៤ឆ្នាំ មុខរបរ មិនពិតប្រាកដ ទីកន្លែងកំណើត ភូមិគោកដូង ឃុំពេជសារ  ស្រុកកោះអណ្ដែត ខេត្តតាកែវ ។

វត្ថុតាងដកហូតបានរួមមាន÷ ម្ស៉ៅក្រាមថ្លាពណ៌ស ចំនួន១៤កញ្ចប់ (ធំ២តូច១២) ទំងន់១៣៦.១៨ក្រាម ជញ្ជីងថ្លឹងថ្នាំញៀនចំនួន០២ ទូរស័ព្ទចំនួន០២គ្រឿង ដាវដែកចំនួន០១ និងសម្ភារៈវេចខ្ចប់ថ្នាំញៀនមួយចំនួន។

បន្ទាប់ពីឃាត់ខ្លួនបានជនសង្ស័យ និងដកហូតបានវត្ថុតាងមួយចំនួន បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនបន្ត ទៅកាន់សាលាដំបូងខេត្ត ដើម្បីចាត់ការបន្តទៅតាមនីតិវិធីច្បាប់៕

ដោយ៖ ស សម