ជាប់ចិត្តប្រើប្រាស់គ្រឿងញៀនមិនកែប្រែត្រូវនគរបាលក្រុងកែបឃាត់ខ្លួន

ខេត្តកែប៖ តាមការណែនាំរបស់លោកឧត្ដមសេនីយ៍ស្នងការនគរបាលខេត្តកែបនៅថ្ងៃអាទិត្យ១កើត ខែអាសាឍ ឆ្នាំជូតទោស័ក ព.ស២៥៦៤ត្រូវនឹងថ្ងៃទី២១ ខែមិថុនា ឆ្នាំ២០២០ វេលាម៉ោង១៨និង១០នាទីល្ងាចកម្លាំងអធិការដ្ឋាននគរបាលក្រុងកែបបានសហការជាមួយកម្លាំងការិយាល័យប្រឆាំងគ្រឿងញៀន កម្លាំងប៉ុស្តិ៍នគរបាលរដ្ឋបាលសង្កាត់ព្រៃធំនិងប្រជាការពារភូមិកំពង់ត្រឡាច បានចុះបង្រ្កាបមុខសញ្ញាប្រើប្រាស់គ្រឿងញៀន១ករណីនៅផ្ទះរបស់ឈ្មោះ ហោ ណៃ ភេទប្រុសអាយុ៣៨ឆ្នាំ មុខរបរកសិករ ស្ថិតក្នុងភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប ឃាត់ខ្លួនបានជនសង្ស័យចំនួន១នាក់ឈ្មោះសាន សុង ភេទប្រុសអាយុ៣៩ឆ្នាំ មុខរបរជាងសំណង់ រស់នៅភូមិកំពង់ត្រឡាច សង្កាត់ព្រៃធំ ក្រុងកែបខេត្តកែប។

ក្រោយពីឃាត់ខ្លួនជនសង្ស័យសមត្ថកិច្ចបានដកហូតវត្ថុតាងរួមមាន៖

ម្សៅក្រាមពណ៌សថ្លាចំនួន៤កញ្ចប់(ធំ១កញ្ចប់និងតូច៣កញ្ចប់)ទម្ងន់៥.៨៤ក្រាមថ្លឹងទាំងថង់, ម៉ូតូចំនួន១គ្រឿងម៉ាកអ៊ែរប្លេដ គ្មានស្លាកលេខ, ទូរស័ព្ទចំនួន១គ្រឿងម៉ាកVIVO, កន្រ្តៃចំនួន១, ដែកកេះចំនួន៥, បារីចំនួន៣កញ្ចប់, ស៊ីមកាតចំនួន១។

បច្ចុប្បន្នជនសង្ស័យនិងវត្ថុតាងខាងលើ សមត្ថកិច្ចបាននាំមកកាន់អធិការដ្ឋាននគរបាលក្រុងកែបដើម្បីបន្តនីតិវិធីតាមច្បាប់ ៕ ដោយ៖ស សម