សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សត្វលលកស្លាបបៃតង- Emerald Dove ជាប្រភេទក្រុមបក្សីដែលរស់នៅតំបន់ព្រៃ និងមានវត្តមានពេញមួយឆ្នាំ ។ បក្សីលលកស្លាបបៃតង មានទំហំពី ២៣-២៧សង់ទីម៉ែត្រ ហេីយបក្សីឈ្មោល គេសម្គាល់មានបន្ទូលក្បាលពណ៌ខៀវខ្ចី ថ្ងាសនិងចិញ្ចេីមពណ៌ស ចុងខ្នងអង្កន់ខ្មៅ-ស ស្មា-ស ស្លាបលេីពណ៌បៃតងចាំង។ ចំពោះបក្សីញី មានបន្ទូលក្បាលពណ៌ត្នោតទុំ គ្មានដៅសលេីស្មាទេ។ លលកស្លាបពណ៌បៃតង រស់នៅតាមព្រៃស្រោង ពាក់កណ្ដាលស្រោង និងព្រៃចំរុះ។ ចំណែកឯការបន្តពូជរបស់បក្សីនេះ គឺចាប់ពីខែមេសា ដល់ខែវិច្ឆិកា ហេីយពងនៅលេីដេីមឈេីទាបៗ។
សត្វលលកស្លាបបៃតង ត្រូវបានថតនៅស្រុកវ៉ារិន ខេត្តសៀមរាប ផ្តិតរូបពិតៗ ដោយក្រុមថតសត្វស្លាបកម្ពុជា- Cambodia Bird Photography-CBP៕
ដោយ៖ សិលា
