សារព័ត៌មាន នគរវត្ត តែងតែនាំមុខគេជានិច្ច
យោងតាមសារព័ត៌មាន The Sun បានឲ្យដឹងថា ក្រុមហង្សក្រហម Liverpool កំពុងរៀបចំផែនការដើម្បីនាំយក ខ្សែប្រយុទ្ធឆ្នើមសញ្ជាតិបារាំង Kylian Mbappe ចំពេលអនាគតរបស់ Sadio Mane នៅឯ Anfield អាចនឹងត្រូវចាកចេញ។
ព័ត៌មាននេះដែរក្លឹបយក្សអេស្ប៉ាញ Real Madrid ក៏កំពុងប្រជែងយកកីឡាករ Mbappe ដែលជាគោលដៅធំរបស់ក្លឹបផងដែរ។
Mane ជាប់កុងត្រារហូតដល់ឆ្នាំ២០២៣ ប៉ុន្តែតាមរបាយការណ៍របស់ Liverpool កំពុងតែមានការព្រួយបារម្ភកាន់តែខ្លាំងនៅពេលដែល Real Madrid និង Paris Saint-Germain កំពុងចរចាគ្នាពីរឿងការផ្ទេរកីឡាករ Mbappe នៅរដូវក្តៅខាងមុខ ។
ជាលទ្ធផល Liverpool កំពុងតែសំឡឹងមើលតារាឆ្នើមរបស់ក្រុម PSG គឺ Mbappe និង Mane អាចឈានដល់កិច្ចព្រមព្រៀងដោះដូរបូកនឹងទឹកប្រាក់២០០លានផោន ដែលអាចរំខានផែនការធំរបស់ Real Madrid សម្រាប់ខ្សែប្រយុទ្ធបារាំងរូបនេះ។
ព័ត៌មានផ្សេងៗទាក់ទងនឹងកីឡាករសំខាន់ៗមួយចំនួននៅតំបន់អឺរ៉ុប៖
១- Sport Bild អះអាងថា ក្លឹប Bayern Munich បានផ្តល់ប្រាក់៤០លានផោន (៣៦លានដុល្លារ) សម្រាប់កីឡាករ Leroy Sane របស់ក្រុម Manchester City ដែលគ្រោងនឹងចាកចេញពីក្លឹបយក្សនៅ Premier League នៅចុងបញ្ចប់នៃរដូវកាលនេះ។ ទន្ទឹមនឹងនេះក្រុមម្ចាស់ជើងឯកក្របខ័ណ្ឌ Bundesliga កំពុងផ្តោតគោលដៅទៅលើកីឡាកររបស់ក្លឹប Ajax Sergino Dest ។ Sport Bild រាយការណ៍ថា កីឡាករអន្តរជាតិរបស់សហរដ្ឋអាមេរិករូបនេះនឹងមកដល់អាល្លឺម៉ង់ប្រសិនបើពួកគេបំពេញនូវការទាមទាររបស់ Ajax ទោះបីជា Bayern Munich កំពុងគិតអំពីកិច្ចព្រមព្រៀងប្រាក់កម្ចីនៅពេលនេះក៏ដោយ។
២-ការប្រកួតប្រជែងនិងពេលវេលាសម្រាប់ Miralem Pjanic ដើម្បីផ្លាស់ទៅ Barcelona ។ Sport Bild និយាយថា Barcelona និង Juventus ចង់ឈានដល់កិច្ចព្រមព្រៀងនៅចុងខែមិថុនា ។ កិច្ចព្រមព្រៀងដែលបានស្នើឡើងទំនងជានឹងឃើញ Pjanic និង Mattia De Sciglio ចូលរួមជាមួយ Barcelona ដោយកីឡាករ Arthur មានការស្ទាក់ស្ទើក្នុងការផ្លាស់ប្តូរពីអុីតាលីទៅក្លឹប Barcelona ។
៣-Sport Bild បានរាយការណ៍ថា ក្រុម Borussia Dortmund គ្មានហេតុផលណាមួយក្នុងការលក់ Jadon Sancho ឲ្យក្រុមបិសាចក្រហមឡើយនៅរដូវបិទរដូវកាល លើកលែងតែក្លឹបផ្តល់ប្រាក់ជាង១០០លានផោន។
៤-ខ្សែប្រយុទ្ធ Mario Gotze នឹងមិនបន្តកុងត្រាចាស់របស់គាត់នៅឯក្លឹប Dortmund ឡើយ ហើយគាត់នឹងចាកចេញពីកីឡដ្ឋាន Signal Iduna Park ។ ក្លឹប Lazio កំពុងមានទំនាក់ទំនងគ្នា ប៉ុន្តែក្រុម AC Milan កំពុងសម្លឹងមើលកីឡាករអាឡឺម៉ង់រូបនេះ ខណៈដែលលោក Ralf Rangnick ត្រូវបានគេរាយការណ៍ថានឹងចូលទៅកាន់តំណែងជាគ្រូបង្វឹកក្លឹប AC Milan ។
៥-យោងតាមសារព័ត៌មាន Corriere dello Sport បានឲ្យដឹងថា Napoli បានបដិសេធការដេញថ្លៃរបស់ Liverpool សម្រាប់ខ្សែការពារកណ្តាល Kalidou Koulibaly ។
៦-សារព័ត៌មាន Tuttosport ឲ្យដឹងថា Juventus ចង់ឲ្យកីឡាករ Arkadiusz Milik របស់ Napoli ចាប់ដៃគូជាមួយកំពូលតារាឆ្នើម Cristiano Ronaldo ។ Juventus មានឆន្ទៈក្នុងកិច្ចព្រមព្រៀងនេះឲ្យបានឆាប់ផងដែរ ។
៧-សារព័ត៌មាន FC Inter News បានឲ្យដឹងថា Inter Milan បានច្រានចោលសំណើពីក្លឹប Marseille សម្រាប់ខ្សែបម្រើ Joao Mario ។ កីឡាករព័រទុយហ្កាល់រូបនេះបានចំណាយរដូវកាលនេះក្នុងការខ្ចីជើងនៅប្រទេសរុស្ស៊ី របស់ក្លឹប Lokomotiv Moscow ៕ដោយ៖ភារៈ
