សារព័ត៌មាន នគរវត្ត តែងតែនាំមុខគេជានិច្ច
ក្រោយបង្ហោះរូបភាពនៅលើបណ្តាញសង្គម ស្តីពីតារាជាច្រើនរូបបានយកម៉ាស់សម្រាប់ពាក់ការពារឆ្លងជំងឺកូវីដ-១៩ មកធ្វើជាឈុតប៊ីគីនីសម្រាប់ស្លៀកពាក់បានរងការថ្កោលទោសយ៉ាងខ្លាំង ។ មនុស្សមួយចំនួនក៏បានបញ្ចេញមតិបែប ឌឺដង កំប្លែងផងថា« អ៊ីចឹងតើបានជាពេលពាក់ម៉ាស់ទៅចេះតែថប់ៗ ពិបាកដកដង្ហើម»។
ពេលថ្មីៗនេះសិល្បការិនីអាមេរិក គឺនាង DaVida Sal បានយកម៉ាស់ ពេទ្យធ្វើជាឈុតប៊ីគីនីស្លៀកពាក់បង្ហាញជាសាធារណៈ រងការរិះគន់យ៉ាងខ្លាំង ពីមហាជន។ នាង DaVida Sal បានយកម៉ាស់ពេទ្យធ្វើជាអាវ និងខោក្នុងឈរបង្ហាញម៉ូដនៅមុខហាងលក់សម្លៀកបំពាក់Trader Joe’s នៅទីក្រុង Los Angeles រដ្ឋ California ។
នាងDaVida បានបង្ហោះរូបភាពលើបណ្តាញសង្គមហ្វេសប៊ុករបស់នាង ដោយបានដាក់ចំណងជើងថា”The New AbNormal” ប្រសិនបើឲ្យពាក់ម៉ាស់ការពារហើយ ហេតុអ្វីចាំបាច់ត្រូវឈរគម្លាតពីគ្នា២ម៉ែត្រទៀត ? ហើយបើឈរឆ្ងាយពីគ្នាហើយ ហេតុអ្វីត្រូវពាក់ម៉ាស់ទៀត? បើអនុវត្តគម្លាត និងពាក់ម៉ាស់ហើយម្តេចក៏ដាក់បម្រាមគោចរទៀត?
ក្រៅពីនេះក្រុមតារានៅក្នុងតំបន់អាស៊ី ក៏មានសកម្មភាពធ្វើដូចគ្នានោះដែរ យកម៉ាស់ធ្វើជាឈុតប៊ីគីនី ដើម្បីទទួលបានការចាប់អារម្មណ៍ពីមហាជន៕ដោយ៖ធី រីណា
