សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវកម្លាំងនគរបាលប៉ុស្តិ៍រដ្ឋបាលសង្កាត់ឃ្មួញធ្វើការឃាត់ខ្លួននិងដកហូតបានម្សៅក្រាមពណ៌សថ្លាចំនួន២៨ថង់តូចផងដែរ។
ករណីឃាត់ខ្លួនជនសង្ស័យខាងលើនេះគឺធ្វើឡើងកាលពីវេលាម៉ោង១៦៖០០នាទីរសៀលថ្ងៃទី២៥ ខែមិថុនា ឆ្នាំ២០២០ នៅចំណុចសហគមន៍ភូមិសែនសុខទី៥ សង្កាត់ឃ្មួញ ខណ្ឌសែនសុខ ។
លោកវរសេនីយ៍ត្រី ញាណ នន នាយនគរបាលប៉ុស្តិ៍ឃ្មួញបានឲ្យដឹងថា៖ ជនសង្ស័យឈ្មោះឡុង វណ្ណា អាយុ១៩ឆ្នាំស្នាក់នៅភូមិសែនសុខ៧ សង្កាត់ឃ្មួញ ខណ្ឌសែនសុខ ។
ក្នុងការចុះបង្ក្រាបនេះដែរគឺដោយសារទទួលបានព័ត៌មានពីប្រជាពលដ្ឋល្អរាយការណ៍មក ថាគោលដៅខាងលើមានក្រុមជនសង្ស័យកំពុងប្រមូលផ្តុំគ្នាចែកចាយគ្រឿងញៀនក៏សុំគោលការណ៍ទៅលោកអធិការខណ្ឌចុះបង្ក្រាបជាក់ស្តែងរហូតឈានដល់ការឃាត់ខ្លួនជនសង្ស័យបានម្នាក់ព្រមទាំងដកហូតបានម្សៅក្រាមពណ៌សថ្លាចំនួន២៨កូនថងតូចដែលសង្ស័យថាជាគ្រឿងញៀន។
ក្រោយពីឃាត់ខ្លួនបានកម្លាំងប៉ុស្តិ៍របស់លោកបានកសាងសំណុំរឿងបញ្ជូនទៅអធិការដ្ឋាននគរបាលខណ្ឌសែនសុខដើម្បីបន្តនីតិវិធី៕ដោយ៖ ចន្ទ លីហ្សា
