សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តារាចម្រៀង រហស្សនាម កំពូលទើស លោក ម៉ៃ សុគន្ធ ទើបនឹងបញ្ចេញសារដ៏ចាប់អារម្មណ៍មួយជុំវិញអតីតព្រះសង្ឃ កក្កដា សុភ័ណ្ឌ ដែលគេស្គាល់ច្រើនលើបណ្តាញសង្គមហ្វេសប៊ុកនោះ សរសេរអក្សខ្មែរមិនទាន់បានត្រឹមត្រូវតាមអក្ខរាវិរុទ្ធ ខណៈដែលជននេះធ្លាប់បួសរៀនអស់ជាច្រើនវស្សា។
ក្នុងសារបែបផ្សព្វផ្សាយផលិតផលប្រមាណបួនប្រាំបន្ទាត់របស់អន្ទិត កក្កដា សុភ័ណ្ឌ មានសំណេរជាភាសាខ្មែរដែលខុសឆ្គងជិត១០ពាក្យទៅហើយ រហូតលោក ម៉ៃសុគន្ធ បាន Screen Shoot យកមកបង្ហោះលើបណ្តាញសង្គមរបស់លោកជាមួយនឹងពាក្យរិះគន់ថា” អក្សរខ្មែរសរសេរមិនត្រូវជ្រុងផង កោតធ្លាប់បួសរៀនទៀតជឿដែរអី ត្រឹមភាសាជាតិ សរសេរមិនដឹងក្បាលមិនដឹងកន្ទុយចឹង😏😏😏😏😏😏ជឿទៅបងប្អូន ល្ងង់ទាំងឡាយ…”។ ជាមួយគ្នានេះតារារូបនេះបានបង្ហាញពីពាក្យមួយចំនួនដែលសរសេរខុសផងដែរ។ មានអ្នកលេងបណ្តាញសង្គមមិនតិចទេក៏បានធ្វើការរិះគន់ និងចែករំលែកអំពីសំណេរដែលមិនត្រឹមត្រូវរបស់អ្នកឆ្លងកាត់ការបួសរៀនរូបនេះ រហូតអ្នកខ្លះលើកឡើងថាអាចពេលគ្រាដែលបួសមិនបានព្យាយាមរៀនសូត្រទើបការសរសេរភាសាខ្មែរមិនទាន់បានត្រឹមត្រូវ។ អ្នករិះគន់ខ្លះថា ភាសាខ្មែរជាភាសាជាតិ សម្រាប់អ្នកចេះដឹងមានមុខមាត់ ជាសិល្បករ អាជីវករ អ្នកជំនួញគួរប្រើប្រាស់ភាសាខ្មែរឲ្យបានប្រុងប្រយ័ត្នខ្ពស់ព្រោះតែលើបណ្តាញសង្គមរបស់ពួកគេមានអ្នកមើលឃើញច្រើននិងជាគំរូមិនល្អសម្រាប់មនុស្សជំនាន់ក្រោយ។
មិនទាន់ឃើញមានប្រតិកម្មតប ឬកែសំណេរនេះនៅឡើយទេពីសំណាក់ លោក កក្កដា សុភ័ណ្ឌ៕ ដោយ៖ វឌ្ឍនា
