សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖នាយឧត្តមសេនីយ៍ មុឹង សំផន រដ្ឋលេខាធិការក្រសួងការពារជាតិនិងជាប្រធានក្រុមការងារថ្នាក់រដ្ឋាភិបាលចុះជួយក្រុងបាវិតនិងស្រុកចន្ទ្រាព្រមទាំងលោកស្រី នៅថ្ងៃទី២៧ ខែមិថុនា ឆ្នាំ២០២០ បានដឹកនាំក្រុមការងារចុះជួយក្រុងបាវិតនិងស្រុកចន្ទ្រា ប្រគេនទៀនព្រះវស្សា និងទេយ្យវត្ថុដល់ព្រះ សង្ឃ គង់ចាំព្រះវស្សាទាំង៣៥វត្តដែលស្ថិតនៅក្រុងបាវិត និងស្រុកចន្ទ្រា ខេត្តស្វាយរៀង។
ពិធីនេះត្រូវប្រារព្ធធ្វេីឡេីងនៅវត្តបុព្វារាម ហៅវត្តព្រៃយាយ សង្កាត់បាវិត ក្រុងបាវិត និងវត្តបទុមរង្សីហៅវត្តចេក ឃុំសំរោង ស្រុកចន្ទ្រា ខេត្តស្វាយរៀង។
ក្នុងពិធីប្រគេនទៀនព្រះវស្សានិងទេយ្យវត្ថុដល់ព្រះសង្ឃនាពេលនោះ លោក មុឹង សំផនពាំនាំការផ្តាំផ្ញើសួរ សុខទុក្ខដោយក្តីនឹករលឹក ពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជានិង សម្តេចកិត្តិព្រឹទ្ធបណ្ឌិត ជូនលោកយាយ លោកតាពុទ្ធបរិស័ទ្ធ បងប្អូន ប្រជាពលរដ្ឋទាំងអស់ទូទាំងខេត្តស្វាយរៀង ដោយសម្តេចទាំងទ្វេ តែងតែគិតគូរជានិច្ចអំពីសុខទុក្ខចំពោះជីវភាពប្រចាំថ្ងៃរបស់ ប្រជាពលរដ្ឋ។
លោក មុឹង សំផនលេីកឡេីងថា បុណ្យចូលព្រះវស្សាគឺចាប់ផ្តើមពីថ្ងៃ១រោច ខែអាសាឍ ដល់ ថ្ងៃ១៥កើត ខែអស្សុជ មានរយះ ពេល៣ខែ ពុទ្ធបរិស័ទ្ធ បងប្អូនពលរដ្ឋខ្មែរយើង គោរពប្រណិបត្តិជារៀងរហូតមក ។
លោក មុឹង សំផន សង្កត់ធ្ងន់ថា៖ ការប្រារព្ធធ្វើពិធីនេះបាន ដោយសារប្រទេសជាតិមានសុខសន្តិភាព ជាពិសេសបង្ហាញពីទឹកចិត្ត របស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត គោរពស្រឡាញ់ប្រណិបត្តិ ព្រះពុទ្ធសាសនា ជាសាសនារបស់រដ្ឋ ដើម្បីថែរក្សាការពារវិស័យព្រះពុទ្ធសាសនា ឱ្យកាន់តែមានភាពរុងរឿងនិងរីកចំរើន។
ក្នុងឱកាសនោះលោក មុឹង សំផន សំណូមពរឱ្យប្រជាពលរដ្ឋគ្រប់រូប ត្រូវបន្តរក្សាការប្រុងប្រយ័ត្នខ្ពស់ក្នុងការបង្ការ និងការ ពារនូវការឆ្លងរីករាលដាលនៃជំងឺកូវីដ-១៩ នៃរលកទី២ ដោយគោរព និងអនុវត្តឱ្យខ្ជាប់ខ្ជួន នូវគោលការណ៍ រក្សាគម្លាតសង្គម និងវិធានការនានាតាមការណែនាំរបស់ក្រសួងសុខាភិបាល និងសូមឱ្យប្រជាពលរដ្ឋ ទាំងអស់គ្នា ត្រូវបង្កើនការផលិតផ្នែកកសិកម្ម តាមរយះការដាំដុះ ចិញ្ចឹមសត្វ ជាដើម។ ចំណែកឯអាជ្ញាធរត្រូវតែពង្រឹងឱ្យមានប្រសិទ្ធិភាព នូវភូមិ-ឃុំ មានសុវត្ថិភាព និងចូលរួមគោរពច្បាប់ចរាចរណ៍ ទាំងអស់គ្នា។
សូមបញ្ជាក់ថា៖ ទៀនព្រះវស្សានិងទេយ្យវត្ថុ របស់លោក មុឹង សំផននិងលោកស្រីព្រមទាំងក្រុមការងារប្រគេនដល់ព្រះ សង្ឃគង់ចាំព្រះវស្សា ទាំង៣៥វត្ត នៅក្រុងបាវិតនិងស្រុកចន្រ្ទា ខេត្តស្វាយរៀង រួមមាន៖ទៀនព្រះវស្សាចំនួន៣៥គូរ, ប្រេងកាតចំនួន១០៥០លីត្រ, អង្ករចំនួន៧តោន, មីចំនួន១៧៥កេស ,ត្រីខចំនួន៣៥កេះ, ទឹកសុីអុីវចំនួន៧០យួរ, ទឹកត្រីចំនួន៧០យួរ, ទឹក បរិសុទ្ធចំនួន១៧៥កេស, ទឹកក្រូចចំនួន១៧៥កេស, ទឹកដោះគោចំនួន៣៥កេស ,ស្កសរចំនួន១៧៥គីឡូក្រាម,តែ៧០គីឡូក្រាមនិងបច្ច័យចំនួន១៧៥០ដុលារព្រមទាំងចែកជូនក្រមាថវិកាដល់យាយជី តាជីដែលចូលក្នុងកម្មវិធីនេះ។
បន្ទាប់ពីប្រគេនទៀនព្រះវស្សានិងទេយ្យវត្ថុដល់ព្រះសង្ឃរួមមកលោកមុឹង សំផននិងលោកស្រីព្រមទាំងក្រុមការងារបានចូលទៅអុជ ធូបនៅទួលយាយដូនដែលជាទួលមានបារមី សក្កិសិទ្ធមួយនៅក្រុងបាវិតដើម្បីសុំសេចក្តីសុខសេចក្តីចម្រើនដល់ពលរដ្ឋទូទាំងខេត្តស្វាយរៀងនិងនាំយកអំណោយចែកជូនដល់គ្រួសារទីទាល់ក្រ ចាស់ជរាចំនួន៥គ្រួសារ ក្នុងមួយគ្រួសារទទួលបានអង្ករ ១០០គីឡូក្រាម មីចំនួន១កេស ត្រីខចំនួន២យួរ សំពត់១ ក្រម៉ា១និងថវិការមួយចំនួន ដេីម្បីជួយសម្រួលដល់ការលំបាករបស់បងប្អូនផងដែរ៕ដោយ៖សុខដុម
