កម្លាំងជំនាញអធិការដ្ឋានស្រុកព្រៃនប់ឃាត់ខ្លួនជនសង្ស័យ៣នាក់ដកហូតបានថ្នាំញៀនមួយចំនួន

ខេត្តព្រះសីហនុ ៖ កាលពីថ្ងៃចន្ទ ៩កើត ខែអាសាឍ ឆ្នាំជូត ទោស័ក ពុទ្ធសករាជ២៥៦៤ត្រូវ​នឹង​ថ្ងៃ​ទី២៩ ខែមិថុនា ឆ្នាំ​២០២០ វេលាម៉ោង១០និង៣០នាទីព្រឹកកម្លាំង​ជំនាញ​នៃអធិការ​ដ្ឋាន​នគរបាល​ស្រុក​ព្រៃនប់ បានចុះបង្រ្កាបករណីជួញដូរនិងរក្សាទុកដោយខុសច្បាប់នូវសារធាតុញៀនមួយកន្លែងស្ថិតនៅចំណុចក្នុងផ្ទះក្បែរផ្លូវរថភ្លើងក្រោយផ្សារវាលរេញក្នុងភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ដោយឃាត់​ខ្លួនជនសង្ស័យបានចំនួន២នាក់ គឺ១-ឈ្មោះ ស៊ុន ស្រីសភេទស្រី អាយុ ២៩ ឆ្នាំ មុខរបរមិនពិតប្រាកដ មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ២-ឈ្មោះ ជុំ សុធឿន ភេទប្រុស អាយុ ២៨ឆ្នាំ មុខរបរកម្មករធ្វើនំបុ័ង មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ។ 

​ ចំពោះវត្ថុតាងដែលដកហូតបានមានម្សៅក្រាមសថ្លាសង្ស័យសារធាតុញៀនចំនួន ១១កញ្ចប់(តូច) ទូរស័ព្ទ​ដៃ១គ្រឿង។ 

​    បន្ទាប់ពីឃាត់ខ្លួនរួច ជនសង្ស័យទាំងពីរនាក់ខាងលើបានសហការជាមួយកម្លាំងសមត្ថកិច្ចបន្តទៅឃាត់ខ្លួនជនសង្ស័យម្នាក់ទៀត ឈ្មោះ អ៊ុន វន្នី ភេទប្រុស អាយុ ៣៦ឆ្នាំ មុខរបររត់ម៉ូតូឌុប ស្នាក់នៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ នាវេលាម៉ោង១១៖៣០នាទីនៅចំណុចបន្ទប់ជួលក្រោយផ្នែកសឹក​រងស្រុកព្រៃនប់ស្ថិតក្នុងភូមិវាលមាស ឃុំវាលរេញ ស្រុកព្រៃនប់ ខេត្តព្រះសី​ហនុ​ដោយដកហូតវត្ថុតាងរួមមានម្សៅក្រាមសថ្លាសង្ស័យសារធាតុញៀនចំនួន៧កញ្ចប់(ធំ) ទូរស័ព្ទដៃចំនួន២គ្រឿងនិងជញ្ជីងថ្លឹងចំនួន១។

   បច្ចុប្បន្នជនសង្ស័យទាំងបីនាក់និងវត្ថុតាងដែលដកហូតបានត្រូវបញ្ជូនមកកាន់អធិការដ្ឋាននគរបាលស្រុកព្រៃនប់ដើម្បីកសាងសំណុំរឿងតាមនីតិវិធី៕ដោយ៖ស សម

​

{“source_sid”:”4B9D8AC1-17AA-4545-80C9-B98E75F91950_1593481342250″,”subsource”:”done_button”,”uid”:”4B9D8AC1-17AA-4545-80C9-B98E75F91950_1593481317783″,”source”:”other”,”origin”:”unknown”}