សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ នៅថ្ងៃទី២៨ ខែមិថុនា ឆ្នាំ២០២០ វេលាម៉ោង ១៣:១០នាទីកម្លាំងការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលក្រុងប៉ោយប៉ែត ចុះអនុវត្តវិធានញុះញង់ឱ្យលក់ដោយខុសច្បាប់នូវសារធាតុញៀន តាមដីកាសម្រេចលេខ១១០៣ ចុះថ្ងៃទី២៨ ខែមិថុនា ឆ្នាំ ២០២០ នៅចំណុចផ្សារអូរអំបិល ភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ឃាត់ខ្លួនជនសង្ស័យចំនួន១នាក់ភេទស្រី ឈ្មោះទុយ សុធា អាយុ៤៧ឆ្នាំ មុខរបរ លក់ដូរ ដកហូតបានថ្នាំប្រភេទម្សៅក្រាមសថ្លាចំនួន១ថង់ និងថ្នាំប្រភេទគ្រាប់ពណ៌ផ្កាឈូកអក្សរwy ចំនួន១ថង់ពណ៌ខៀវស្មេីចំនួន២០០គ្រាប់។បន្ទាប់មកយេីងបានបន្តនាំជនសង្ស័យខាងលេីទៅឆែកឆេរលំនៅឋានរបស់គាត់ស្ថិតក្នុងភូមិគាប សង្កាត់ទឹកថ្លា ក្រុងសិរីសោភ័ណ។ ពេលទៅដល់ប្តីរបស់ជនសង្ស័យឈ្មោះឈិន សំពៅ អាយុ៥១ឆ្នាំ បានរត់ គេចខ្លួន ប៉ុន្តែត្រូវសមត្ថកិច្ចយេីងឃាត់ខ្លួនបាន និងដកហូតបានថ្នាំញៀនប្រភេទម្សៅក្រាមសថ្លាចំនួន៣កូនថង់ និងប្រភេទគ្រាប់ចំនួន២គ្រាប់ កែវសម្រាប់ជក់ចំនួន១។
ដោយមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តយេីងបានឆែកឆេរត្រួតពិនិត្យលំនៅឋានរបស់ជនសង្ស័យទាំង២នាក់ប្តីប្រពន្ធរកឃេីញវត្ថុតាងរួមមាន៖
-ម្សៅក្រាមសថ្លាចំនួន១ថង់
-ថ្នាំប្រភេទគ្រាប់ពណ៌ផ្កាឈូកអក្សរ wyចំនួន១សុង ស្មេីនិឹង៣០ថង់ខៀវ
-កូនជញ្ជីងថ្លឹងគ្រឿងញៀនចំនួន១
-ទូរស័ព្ទដៃចំនួន២គ្រឿង
-កូនកាបូបក្រណាត់សម្រាប់ច្រកគ្រឿង ញៀនចំនួន១
-ធុងទឹកកកពណ៌ក្រហមលាក់គ្រឿង ញៀនចំនួន១។
វត្ថុតាងដែលដកហូតទាំងអស់សរុបរួមមានថ្នាំប្រភេទម្សៅក្រាមសថ្លាទាំងអស់មានចំនួន៥ថង់, ថ្នាំប្រភេទគ្រាប់ចំនួន៣១ថង់ខៀវស្មេីនិឹង៦.០០៥គ្រាប់។
បច្ចុប្បន្នកម្លាំងជំនាញកំពុងធ្វេីការ សាកសួរជនសង្ស័យ នៅការិយាល័យប្រឆាំងគ្រឿងញៀនខេត្ត៕ ដោយ៖ស សម
