សារព័ត៌មាន នគរវត្ត តែងតែនាំមុខគេជានិច្ច
អុីតាលី៖ ក្លឹបកំពុងលេងនៅលីគទី២របស់ប្រទេសអុីតាលី Benevento ត្រូវបានកក់កៅអីឡើងទៅកាន់ក្របខ័ណ្ឌ Serie A ដោយ បន្ទាប់ពីពួកគេបានផ្តួលក្រុម Stabia ១-០ កាលពីថ្ងៃចន្ទ។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃអង្គារនេះ។
ក្លឹប Benevento ដែលត្រូវបានបង្វឹកដោយលោក Filippo Inzaghi ដែលជាអតីតម្ចាស់ជើងឯកបាល់ទាត់ពិភពលោករបស់ FIFA បានឈរនៅលើកំពូលតារាងអុីតាលី Serie B ចាប់តាំងពីការប្រកួតជុំទី១០ ហើយត្រូវបានកក់កៅអីឡើងទៅលេងក្របខ័ណ្ឌអុីតាលី Serie A រដូវកាល២០២០-២០២១។
ក្រុម Benevento មាន២៤ពិន្ទុលើក្រុមលេខ២ Crotone បន្ទាប់ពីការប្រកួតកាលពីថ្ងៃចន្ទក្រុមនេះបានឈ្នះពាន Serie B ដោយនៅសល់៧ប្រកួតទៀតចប់រដូវកាលដែលមានន័យថា ពួកគេនឹងមានបទពិសោធន៍ទៅលេងនៅលីគកំពូល Serie A បន្ទាប់ពីការបង្ហាញខ្លួនលើកដំបូងនៅរដូវកាល២០១៧-២០១៨ ៕
ដោយ៖ភារៈ
