សារព័ត៌មាន នគរវត្ត តែងតែនាំមុខគេជានិច្ច
ឥណ្ឌា៖ ជាទំនៀមទំលាប់ជនជាតិឥណ្ឌាតែងតែពិសារអាហារនឹងដៃជានិច្ចដោយពួកគេមិនមិនប្រើប្រាស់ស្លាបព្រាឬ សមនិង សូម្បីតែដួសម្ហូបក៏ពួកគេប្រើប្រាស់ដៃជំនួសវែកឬ ស្លាបព្រាដែរ។
ជាការពិតណាស់ នេះមិនមែនជារឿងចម្លែកនោះ ដែលតម្រូវឲ្យពួកគេបរិភោគរបៀបនេះតកូនតចៅនោះ ប៉ុន្តែក្រោយពីការបរិភោគគឺមានអត្ថន័យរបស់វា ដែលមានតាំងពីយូរលង់ណាស់មកហើយ ចំណែកអ្នកខ្លះគិតថាធ្វើបៀបនេះមានភាពគគ្រឹចស្មោគគ្រោកណាស់ ព្រោះតែដៃជាប្រភពនៃមេរោគនិង បាក់តេរីជាច្រើនប្រភេទផងដែរ។
មូលហេតុដែលឥណ្ឌាបរិភោគអាហារដោយដៃជំនួសសមឬស្លាបព្រាមានកត្តា៥យ៉ាង៖
១.គ្រប់ម្រាមដៃសុទ្ធតែមានអត្ថន័យ
ម្រាមដៃមេតំណាងឲ្យ ធាតុAgni (ភ្លើង)
ម្រាមដៃចង្អុលតំណាងឲ្យ ធាតុVayu(ខ្យល់)
ម្រាមដៃកណ្តាលតំណាងឲ្យ ធាតុAakasha(មេឃ)
ម្រាមដៃនាងតំណាងឲ្យ ធាតុParthivi(ដី)
ម្រាមដៃកូនតំណាងឲ្យ ធាតុJala(ទឹក)
២.សម្តែងពីការគោរព
ទស្សនៈឥណ្ឌា ការបរិភោគនឹងដៃគឺសម្តែងពីការគោរព រាប់អាន ប៉ុន្តែមិនមែនជាការតម្រូវ ឲ្យអ្នកបរិភោគអាហារនឹងដៃនោះទេ អ្នកក៏បានបរិភោគដោយប្រើស្លាបព្រាឬ សមបាន ប៉ុន្តែភាគច្រើនអាហារឥណ្ឌាគឺធ្វើឡើយ សម្រាប់បរិភោគនឹងដៃតែម្តង។
៣.ធ្វើឲ្យអាហារកាន់តែមានរស់ជាតិឆ្ងាញ់ទ្វេរដង
ការបរិភោគអាហារនឹងដៃ ពេលខ្លះមើលទៅដូចជារាងញញើតបន្តិចមែន ប៉ុន្តែចំពោះអាហារខ្លះវិញវាក៏អាចជួយបន្ថែមរសជាតិឲ្យកាន់ឆ្ងាញ់ជាងមុនផងដែរ។
៤.ធ្វើឲ្យអារម្មណ៍ស្រស់ថ្លាមិនស្មុគស្មាញ
ការបរិភោគអាហារនឹងដៃអាចធ្វើឲ្យយើងទទួលអារម្មណ៍បែបស្រស់ថ្លា ជ្រះថ្លា ដោយសារតែដៃគឺដៃគឺជាផ្នែកមួយនៃរាងកាយយើងដែរ នៅពេលយើងចាប់អាហារមកបញ្ចុកក្នុងមាត់ដោយដៃផ្ទាល់ ដែលជនជាតិឥណ្ឌាជឿថានេះមិនត្រឹមតែជាចំណីអាហារនោះទេ តែគឺជាចំណីអារម្មណ៍ផងដែរ។
៥.ផ្តល់ភាពងាយស្រួល ដោយយើងមិនចាំបាច់លាងស្លាបព្រា
នេះជាភាពងាយស្រួលមួយរបស់ជនជាតិឥណ្ឌា ដោយពួកគេមិនប្រើប្រាស់ស្លាបព្រាហូបអាហារឡើយ ព្រោះពួកគេប្រើប្រាស់ដៃជំនួសស្លាបព្រាទៅហើយ៕ដោយ៖ស សម
