សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ក្រុមជនសង្ស័យចំនួន០៤នាក់ត្រូវបានកម្លាំងនគរបាលស្រុកសំរោងទងសហការបង្ក្រាបបានជាមួយគ្រឿងញៀនប្រភេទម៉ាទឹកកកចំនួន៣២កញ្ចប់ខណះដែលក្រុមជនសង្ស័យកំពុងតែចរាចរណ៍គ្រឿងញៀនហើយកម្លាំងល្បាតប្រទះឃើញ កាលពីវេលាម៉ោង១២និង៣០នាទីថ្ងៃត្រង់ថ្ងៃទី០៥ខែកក្កដាឆ្នាំ២០២០។
នគរបាលនិយាយអោយដឹងថានៅមុនពេលបង្ក្រាបជនសង្ស័យនិងបក្ខពួកគឺ កំលាំងផ្នែកប្រឆាំងគ្រឿងញៀនបានធ្វើការល្បាតនូវចំណុចភូមិបុស្សតានៃ ឃុំកាហែង ស្រុកសំរោងទង ខេត្តកំពង់ស្ពឺ បានធ្វើកាឃាត់ខ្លួនមុខសញ្ញាសង្ស័យជួញដូរគ្រឿងញៀនម្នាក់ឈ្មោះសុន កុសល( ហៅមិក) ភេទភេទប្រុសអាយុ៣២ឆ្នាំមុខរបរមិនពិតប្រាកដ រស់នៅភូមិវល្លិ៍ប្រេង ឃុំកាហែង ស្រុកសំរោងទង ខេត្តកំពង់ស្ពឺ។ក្រោយឃាត់ខ្លួននគរបាល ដកហូតវត្ថុតាងគ្រឿងញៀនបានចំនួន០៥កញ្ចប់តូច ទូរស័ព្ទដៃ០១គ្រឿងនិងម៉ូតូចំនួន០១គ្រឿងផងដែរ។
នគរបាលដដែលបន្ថែមថាបន្ទាប់មកកំលាំងយើងបានបន្តមកផ្ទះរបស់ឈ្មោះសុន កុសល(ហៅមិក)បានធ្វើការឃាត់ខ្លួនមុខសញ្ញាសង្ស័យបានចំនួន០៣នាក់បន្ថែមទៀត៖
ទី០១.មានឈ្មោះគង់ សារ៉ាន់ ភេទប្រុសអាយុ២១ឆ្នាំរស់នៅភូមិអូវែងឃុំកាហែង ស្រុកសំរោងទង ខេត្តកំពង់ស្ពឺ ។
ទី០២.មានឈ្មោះ តេង ផេង ភេទប្រុសអាយុ២០ឆ្នាំរស់នៅភូមិត្រពាំងព្រះសង្កាត់កណ្តោលដុំក្រុងច្បារមនខេត្តកំពង់ស្ពឺ ។
ទី០៣.ឈ្មោះរ៉ាយ ថៃវ៉ារី (ហៅ ញ៉ាញ់ ហៅ ពូន)ភេទប្រុសអាយុ២៨ឆ្នាំ រស់នៅភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ។
បន្ទាប់មកកំលាំងយើងបានបន្តធ្វើការឆែកឆេរផ្ទះឈ្មោះ សុន កុសល(ហៅ មិក)ដោយមានការចូលរួមពីលោកក្រុមប្រឹក្សាឃុំកាហែង លោកនាយប៉ុស្តិ៍កាហែងលោកមេភូមិវល្លិ៍ប្រេង និងបានធ្វើការដកហូតវត្ថុតាងគ្រឿងញៀនចំនួន២៧កញ្ចប់ ធំ០២កញ្ចប់មធ្យម០៨កញ្ចប់ ទូរសព្ទដៃចំនួន០៣គ្រឿង ម៉ូតូ ០២គ្រឿង ឧបករណ៍ប្រើប្រាស់គ្រឿងញៀនចំនួន១, ខ្សៀរចំនួន០២,ដែកកេះ០៣។
នគរបាលបញ្ជាក់បន្ថែមថា សរុប ឃាត់មនុស្សបានចំនួន០៤នាក់(ប្រុស) គ្រឿងញៀន៣២កញ្ចប់ ធំចំនួន០២កញ្ចប់ មធ្យម០៨ កញ្ចប់ ទូរស័ព្ទដៃ០៤គ្រឿង ម៉ូតូ០២ គ្រឿង និងសម្ភារះប្រើប្រាស់គ្រឿងញៀនមួយចំនួនទៀត។
ក្រោយពីធ្វើការឃាត់ខ្លួនក្រុមជនសង្ស័យរួមជាមួយវត្ថុតាងខាងលើករណីនេះជំនាញកំពុងកសាងសំណុំរឿងបញ្ជូនបន្តទៅការិយាល័យជំនាញដើម្បីចាត់ការបន្តតាមផ្លូវច្បាប់៕សេនាស័ក្តិ
