សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖នៅថ្ងៃទី១៥ ខែកក្កដាឆ្នាំ ២០២០ វេលាម៉ោង១៤និង៣០នាទីរសៀល នៅចំណុចតារាងបាល់ស្ថិតក្នុងភូមិកំពង់ស្តី ឃុំកំពង់រាប ស្រុកកោះសូទិន ខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្តសហការជាមួយកម្លាំងជំនាញអធិការដ្ឋាននគរបាលស្រុកកោះសូទិន ដឹកនាំដោយលោកវរសេនីយ៍ឯក ជីវ សេងរស់ ស្នងការរងទទួលផែនការងារប្រឆាំងគ្រឿងញៀនបានចុះបង្ក្រាបករណីជួញដូរគ្រឿងញៀន ឃាត់ខ្លួនជនសង្ស័យបានចំនួន៤នាក់ក្នុងនោះមាន៖
១-ឈ្មោះ បៀន ប៉ូ ភេទប្រុស អាយុ ២៩ឆ្នាំ នៅភូមិទន្លេបិទ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ។
២-ឈ្មោះ លឹម ស៊ុនហេង ភេទប្រុស សញ្ជាតិខ្មែរ អាយុ២០ឆ្នាំ នៅភូមិកំពង់ស្តី ឃុំកំពង់រាប ស្រុកកោះសូទិន ខេត្តកំពង់ចាម។
៣-ឈ្មោះ រឿន វុទ្ធី ភេទប្រុស សញ្ជាតិខ្មែរ អាយុ៣០ឆ្នាំ នៅភូមិកំពង់ស្តី ឃុំកំពង់រាប ស្រុកកោះសូទិន ខេត្តកំពង់ចាម។
៤-ឈ្មោះ រឿន ចាន់ថន ភេទស្រី សញ្ជាតិខ្មែរ អាយុ៣១ឆ្នាំ នៅភូមិខ្ពប ឃុំមហាខ្ញូង ស្រុកកោះសូទិន ខេត្តកំពង់ចាម។
ក្រោយឃាត់ខ្លួនសមត្ថកិច្ចដកហូតសម្ភារជាវត្ថុតាងរួមមាន៖ ម្សៅក្រាមពណ៌សសង្ស័យជាថ្នាំញៀនចំនួន២២កញ្ចប់តូច, ទូរស័ព្ទដៃចំនួន៣គ្រឿង ។
បច្ចុប្បន្នជនសង្ស័យខាងលើនិងវត្ថុតាង កម្លាំងជំនាញបាននាំយកមកការិយាល័យដើម្បីធ្វើការស្រាវជ្រាវនិងកសាងសំណុំរឿងតាមនីតិវិធីច្បាប់៕ស សម
