សារព័ត៌មាន នគរវត្ត តែងតែនាំមុខគេជានិច្ច
ប៉ាគីស្ថាន៖នាយកដ្ឋានអាកាសចរណ៍ ប៉ាគីស្ថាន(CAA) បានបញ្ជាក់កាលពីថ្ងៃទី១៦ខែកក្កដា ថា អាកាសយានិក១៦៦នាក់ដែលកំពុងធ្វើការនៅក្រៅប្រទេសនោះ មិនមានប្រើប្រាស់បណ្ណបើកបរក្លែងក្លាយនោះឡើយ។
កាលពីចុងខែមិថុនាកន្លងមក(CAA) បានផ្អាកការហោះហើរដល់អាកាសយានិក២៦២នាក់ដោយសង្ស័យថាបានប្រើប្រាស់បណ្ណបើកបរក្លែងក្លាយ។ ហេតុការណ៍ខាងលើកើតឡើងក្រោយពេលមានករណីគ្រោះថ្នាក់ធ្លាក់យន្តហោះបណ្តាលឲ្យមនុស្ស៩៧នាក់ស្លាប់កាលពីខែឧសភា នៅទីក្រុងការ៉ាជី។ ក្នុងពេលនោះអាកាសយានិកមិនគោរពទៅតាមបទបញ្ជាពីទីបញ្ជាការហោះហើរទើបមានគ្រោះថ្នាក់។
តាមអ្នកឯកទេសអាកាសចរណ៍បានបញ្ជាក់ថា ប្រសិនបើឃើញថា ម៉ាស៊ីនបានប៉ះជាមួយផ្លូវគួរណាស់តែអាកាសយានិកត្រូវតែបិទម៉ាស៊ីនហើយមិនត្រូវឲ្យយន្តហោះបន្តជ្រុលនៅលើផ្លូវទេ។ ផ្ទុយទៅវិញអាកាសយានិកបែរជាបង្កើនល្បឿនឲ្យយន្តហោះហោះហើរជាថ្មីដើម្បីចុះចតជាលើកទីពីរ។
តាមការលើកឡើងរបស់(CAA) ប៉ាគីស្ថានមានអាកាសយានិកសរុប៨៦០នាក់ ក្នុងចំណោមនោះមានអាកាសយានិក១០៧នាក់ធ្វើការនៅបរទេស ក្នុងនោះមានប្រទេសវៀតណាមផងដែរ។ ប៉ុន្តែនៅក្នុងសេចក្តីប្រកាសនាពេលកន្លងមក (CAA) បានបញ្ជាក់ថាអាកាសយានិកដែលធ្វើការនៅ១០ប្រទេសមានអាកាសយានិក១៧៦នាក់មានបណ្ណបើកបើស្របច្បាប់ ។
ក្នុងចំណោម១០ប្រទេសមានអាកាសយានិកជនជាតិប៉ាគីស្ថានបម្រើការ ក្នុងនោះមាន អារ៉ាប់រួម តួកគី ម៉ាឡេស៊ី វៀតណាម បារ៉ែន អេត្យូពី ហុងកុង អូម៉ង់ កាតារ និងគុយវែត៕ ធី រីណា
