ព័ត៌មានទាន់ហេតុការណ៍៖

ព្រះមហាក្សត្រ ត្រាស់បង្គាប់តាំងស៊ប់ចៅក្រម៣៩រូប និងចាត់ឲ្យទៅបំពេញការងារ នៅតាមសាលាដំបូងរាជធានី-ខេត្ត ចំនួន២០

ចែករំលែក៖

ភ្នំពេញ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានសម្រេចត្រាស់បង្គាប់តាំងស៊ប់ក្នុងឋានន្តរស័ក្តិអនុចៅក្រម នៃក្របខណ្ឌចៅក្រម ដល់ចៅក្រមកម្មសិក្សា ៣៩រូប និងចាត់ឲ្យទៅបំពេញការងារ នៅតាមសាលាដំបូងរាជធានី-ខេត្ត ចំនួន២០។នេះបើយោងតាមព្រះរាជក្រឹត្យចុះនៅថ្ងៃទី១៩ ខែកក្កដា ឆ្នាំ២០២០។
ក្នុងនោះបានបញ្ជាក់ឲ្យដឹងថា៖ សាលាដំបូងរាជធានី-ខេត្តទាំង២០ ដែលចៅក្រមទាំង ៣៩រូប ត្រូវទៅបំពេញការងារ រួមមាន៖ កណ្តាល កំពង់ចាម ត្បូងឃ្មុំ បាត់ដំបង សៀមរាប ឧត្តរមានជ័យ ប៉ៃលិន បន្ទាយមានជ័យ កំពត កំពង់ស្ពឺ តាកែវ កំពង់ឆ្នាំង កំពង់ធំ ពោធិ៍សាត់ ព្រៃវែង ក្រចេះ ស្ទឹងត្រែង កោះកុង មណ្ឌលគិរី និងភ្នំពេញ។

សូមបញ្ជាក់ថា៖ ក្នុងព្រះរាជក្រឹត្យដែលបានប្រថាប់ព្រះរាជលញ្ជករកាលពីថ្ងៃទី១៨ ខែកក្កដា ឆ្នាំ២០២០ គឺចៅក្រមទាំង ៣៩រូបនេះ មានសិទ្ធិទទួលប្រាក់បៀវត្សមូលដ្ឋាន និងប្រាក់ឧបត្ថម្ភផ្សេងៗទៀត តាមច្បាប់បានកំណត់។ សិទ្ធិទទួលបានប្រាក់ឧបត្ថម្ភផ្សេងៗ សិទ្ធិឡើងឋានន្តរស័ក្តិ ឬឡើងថ្នាក់ ត្រូវបានគិតចាប់ពីថ្ងៃទី០៨ ខែឧសភា ឆ្នាំ២០២០។

សូមអាននូវខ្លឹមសារព្រះរាជក្រឹត្យទាំងស្រុងដូចខាងក្រោម៕

ដោយ៖សិលា


ចែករំលែក៖