សារព័ត៌មាន នគរវត្ត តែងតែនាំមុខគេជានិច្ច
ពេញ ៖ យោងតាមរបាយការណ៍របស់លោកវរសេនីយ៍ត្រី ឯម ភារី នាយនគរបាលប៉ុស្ដិ៍រដ្ឋបាលស្ទឹងមានជ័យ៣ បានឲ្យដឹងនៅព្រលប់ថ្ងៃទី២២ ខែកក្កដា ឆ្នាំ២០២០នេះថា មានករណីបុរសម្នាក់ ត្រូវជាប្ដីបានយកខ្សែភ្លេីងមកឆក់ខ្លួនឯងរហូតគាំងបេះដូងស្លាប់ ក្រោយពីធ្វេីសកម្មភាពច្របាច់កប្រពន្ធបណ្ដាលឲ្យស្លាប់ជាង៣ថ្ងៃរហូតធំក្លិនស្អុយ ។
លោកវរសេនីយ៍ត្រី ឯម ភារី នាយនគរបាលប៉ុស្តិ៍ស្ទឹងមានជ័យ៣ បានឲ្យដឹងទៀតថា កាលពីវេលាម៉ោង៩និង៣០នាទីព្រឹកថ្ងៃទី២២ ខែកក្កដានេះ កម្លាំងនគរបាលប៉ុស្តិ៍បានទទួលសេចក្តីរាយការណ៍មកថា មានបុរសម្នាក់ស្លាប់នៅក្នុងបន្ទប់ជួលស្ថិតក្នុងភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។ ភ្លាមៗនោះនគរបាលបានចុះទៅពិនិត្យឃើញសពបុរសខាងលើមានឈ្មោះពៅ វុធ អាយុ៣០ឆ្នាំ ជាកម្មកររោងចក្រស្កាយវើក និងមានស្រុកកំណើតភូមិរោងនរី ឃុំស្វាយចេក ស្រុករំដួល ខេត្តស្វាយរៀង។
លោកនាយប៉ុស្តិ៍បន្តថា ខណៈដែលសមត្ថកិច្ចកំពុងពិនិត្យសពស្រាប់តែទទួលដំណឹងថា មានស្ត្រីម្នាក់ត្រូវបានឃាតកសម្លាប់នៅក្នុងភូមិជាមួយគ្នារហូតដល់ហើមស្អុយ។ ដោយយោងទៅលើសាក្សី និងមិត្តភក្តិនារីរងគ្រោះគឺស្ត្រីរងគ្រោះជាភរិយាបុរសឈ្មោះពៅ វុធ ដែលនគរបាលកំពុងធ្វើកោសល្យវិច័យនោះ ។ ចំណែកស្ត្រីរងគ្រោះត្រូវបានគេស្គាល់ឈ្មោះសួង ធីអាយុ៣៣ឆ្នាំ ជាកម្មការិនីកាត់ដេរជាមួយប្តី ហើយមានស្រុកកំណើតភូមិខ្វិត ឃុំពាំងល្វា ស្រុកឧត្តុង្គខេត្តកំពង់ស្ពឺ។
បន្ទាប់ពីពិនិត្យនៅលើសពស្ត្រីរងគ្រោះ គឺមានស្នាមច្របាច់.ក និងមានស្នាមឆក់ខ្សែភ្លើងមុនពេលដែលឃាតកច្របាច់.ក។
លោកនាយប៉ុស្តិ៍ស្ទឹងមានជ័យ៣ បានបន្ថែមថា ការសន្និដ្ឋានរបស់សមត្ថកិច្ចគឺឃាតកជាប្តីស្ត្រីរងគ្រោះតែម្តង។ ខណៈដែលបុរសជាប្តីសម្លាប់រួច ក៏បានរត់ទៅដេកនៅបន្ទប់ជួលរបស់ខ្លួន ។ ប៉ុន្តែទំនងជាភ័យពេក ក៏យកខ្សែភ្លេីងមកឆក់ខ្លួនឯងរហូតគាំងបេះដូងស្លាប់តាមក្រោយ ។
គួរបញ្ជាក់ថា ប្តីប្រពន្ធគូរនេះ ក៏បានបែកបាក់គ្នាមួយរយៈផងដែរ មិនដឹងជាមូលហេតុអ្វី ទើបប្តីទៅឲ្យបុរសជាប្តីដាច់ចិត្តធ្វើឃាតប្រពន្ធ រួចសម្លាប់ខ្លួនតាមក្រោយតែម្តង ៕ដោយ៖ ភារ៉ា ដង្កោ
