សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ កូនប្រសារចិត្តសឿងមួយរូបបានយកទឹកអាស៊ីតជះលេីឪពុកក្មេក បណ្តាលអោយរបួសធ្ងន់ធ្ងរ ដោយសារ តែខឹងជនរងគ្រោះស្រវឹងស្រាម្តងៗកាន់កណ្ដៀវដងវែងទៅរករឿងខ្លួន ។
យោងតាមប្រភពព័ត៌មានអោយដឹងថា ករណីនេះកេីតឡេីងនៅថ្ងៃទី២៣ ខែកក្កដា ឆ្នាំ២០២០ វេលាម៉ោង១៦៖៣០នាទីនៅចំណុចភូមិម៉ាស៊ីន ឃុំរូង ស្រុកមេមត់។
បន្ទាប់ពីកេីតករណីហិង្សានេះ កម្លាំងនគរបាលជំនាញ នៃអធិការដ្ឋាននគរបាលស្រុកមេមត់ ចុះឃាត់ខ្លួនជនសង្ស័យ ដែលមានចេតនាយកទឹកអាស៊ីត ជះទៅលើជនរងគ្រោះ ជាឪពុកក្មេកបណ្ដាលឱ្យរងរបួសធ្ងន់ ។
ជនរងគ្រោះ ជាឪពុកក្មេក ឈ្មោះ អំ សាន អាយុ៥៥ឆ្នាំ រីឯជនសង្ស័យឈ្មោះ យឹង សំអាត ភេទប្រុស អាយុ២៨ឆ្នាំ
អ្នកទាំងពីរនាក់មានទីលំនៅភូមិ-ឃុំ កើតហេតុខាងលើ។
ជនសង្ស័យសារភាពថា ខ្លួនពិតជាបាន ជះទឹកអាស៊ីតទៅលើឪពុកក្មេកប្រាកដមែន ក្នុងខណៈពេលឪពុកក្មេកស្រវឹងស្រា កាន់កណ្ដៀវដងវែងទៅរករឿងខ្លួន ។
ក្រោយធ្វើកំណត់ហេតុចប់ ជនសង្ស័យត្រូវបានកម្លាំងជំនាញកសាងសំណុំរឿងចាត់ការតាមនីតិវិធី ៕ ដោយ៖ វណ្ណៈ
