សារព័ត៌មាន នគរវត្ត តែងតែនាំមុខគេជានិច្ច
កណ្ដាល៖ ជនសង្ស័យមុខសញ្ញាឆក់យ៉ាងសកម្ម២នាក់ក្នុងចំណោមបក្ខពួក៤នាក់ ជិះម៉ូតូធ្វើសកម្មភាពឆក់បានសម្រេច២ដងមិនអស់ចិត្ត ប៉ុន្មានថ្ងៃក្រោយមកធ្វើសកម្មភាពឆក់ទៀត ត្រូវបាននគរបាលក្រុងតាខ្មៅឃាត់ខ្លួនបានភ្លាមៗ នៅថ្ងៃទី២៨ ខែកក្កដា. ឆ្នាំ២០២០ ម៉ោង១០និង០៨នាទីព្រឹក នៅចំណុចផ្លូវជាតិលេខ២១ ស្ថិតក្នុងភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល ។
មន្ត្រីនគរបាលក្រុងតាខ្មៅបានឲ្យដឹងថា ជនសង្ស័យឃាត់ខ្លួនបានទី១-ឈ្មោះ ចាន់រី សីហា ហៅ វីន ភេទប្រុស ជនជាតិខ្មែរ អាយុ១៧ឆ្នាំ មានទីលំនៅភូមិកណ្តាល ឃុំសណ្តារ ស្រុកលើកដែក ខេត្តកណ្តាល,មុខរបរមិនពិតប្រាកដ (ឃាត់ខ្លួន) ទី២-ឈ្មោះ ចៅ ដូមានិ ហៅ ខ្លឹង ភេទប្រុស ជនជាតិខ្មែរ អាយុ១៧ឆ្នាំ មានទីលំនៅភូមិទួលរកា សង្កាត់ចាក់អង្រែក្រោម ខណ្ឌមានជ័យ ភ្នំពេញ,មុខរបរមិនពិតប្រាកដ (ឃាត់ខ្លួន) រីឯជនសង្ស័យ២នាក់ទៀតមិនស្គាល់អត្តសញ្ញាណ(គេចខ្លួន)។
ចំណែកជនរងគ្រោះមាន៣នាក់៖
ទី១-ឈ្មោះ ផល ដាណែត ភេទស្រី អាយុ២៨ឆ្នាំ មានទីលំនៅភូមិក្រពើហារ សង្កាត់ព្រែកឬស្សី ក្រុងតាខ្មៅ ខេត្តកណ្តាល មុខរបរលក់ដូរ ។
ទី២-ឈ្មោះ មឿន ស្រីស ភេទស្រី អាយុ២០ឆ្នាំ មានទីលំនៅភូមិព្រែកហូរលិច១ សង្កាត់ព្រែកហូរ ក្រុងតាខ្មៅ ខេត្តកណ្តាល មុខរបរនិសិ្សត(សន្លប់មិនដឹងខ្លួនកំពុងសង្រ្កោះបន្ទាន់នៅមន្ទីពេទ្យជ័យជំនះ) ។
ទី៣-មិនទាន់ស្គាល់អត្តសញ្ញាណ។
ដោយឡែកវត្ថុតាងដកហូតបានមាន៖ម៉ូតូ១គ្រឿងម៉ាកHonda C125ស៊េរី ២០២០.ពណ៌ក្រហម គ្មានកុងទ័រ ស្លាកលេខ ភ្នំពេញ 1HL១៩៣៨(ម៉ូតូជនសង្ស័យ),ម៉ូតូ១គ្រឿងម៉ាកHonda scoopy ស៊េរីឆ្នាំ ២០១១ ពណ៌ស បែកកាត់ប៊ូខាងក្រោយ ស្លាកលេខ ភ្នំពេញ 1BA0791(ម៉ូតូជនរងគ្រោះ),ទូរសព្ទ័មួយគ្រឿង,កាបូបលុយពណ៌ខ្មៅមួយ,ម្សៅក្រាមពណ៌សថ្លាសង្ស័យជាសារធាតុញៀន ចំនួន២កញ្ចប់តូច។
ប្រភពដដែលបន្តថា ជនសង្ស័យជាមុខសញ្ញាឆក់យ៉ាងសកម្មក្នុងភូមិសាស្រ្តក្រុងតាខ្មៅ មកដល់ថ្ងៃទី២៣ ខែមិថុនា.ឆ្នាំ២០២០ វេលាម៉ោង១១និង០០នាទី ជនសង្ស័យបាននាំគ្នាជិះម៉ូតូធ្វើសកម្មភាពឆក់ទូរសព្ទ័របស់ជនរងគ្រោះឈ្មោះ.ផល ដាណែត ភេទស្រី អាយុ២៨ឆ្នាំដែលទុកនៅខ្លុបម៉ូតូ នៅចំណុចផ្លូវ២១០ស្ថិតក្នុងភូមិ ព្រែកសំរោង សង្កាត់តាខ្មៅ ក្រុងតាខ្មៅ រួចជិះគេចខ្លួនបាត់ទៅ លុះមកដល់ថ្ងៃទីថ្ងៃទី១ ខែកក្កដា.ឆ្នាំ២០២០ វេលាម៉ោង១៥និង៣៨នាទី ជនសង្ស័យក៏ធ្វើសកម្មភាពឆក់ទូរស័ព្ទដៃពីនារីម្នាក់មិនទាន់ស្គាល់អត្តសញ្ញាណ នៅចំណុចផ្លូវ១១០.ស្ថិតក្នុងភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល រហូតក្រោយមកទៀត.នៅថ្ងៃទីថ្ងៃទី២៨.ខែកក្កដា. ឆ្នាំ២០២០ វេលាម៉ោង១០និង០៨នាទីព្រឹក ជនសង្ស័យទាំង៤នាក់ ដោយជិះម៉ូតូ២គ្រឿង ឌុបគ្នាបានមកធ្វើសកម្មភាពឆក់កាបូបរបស់ជនរងគ្រោះឈ្មោះមឿន ស្រីស ភេទស្រី អាយុ២០ឆ្នាំ នៅចំណុចផ្លូវជាតិលេខ២១.ស្ថិតក្នុងភូមិថ្មី. សង្កាត់តាខ្មៅ ក្រុងតាខ្មៅ ពេលនោះជនរងគ្រោះក៏បានជិះម៉ូតូដេញតាម ខណៈមកដល់ស្តុប១១០ ក៏ត្រូវជនសង្ស័យ បានធាក់ម៉ូតូជនរងគ្រោះបណ្តាលអោយដួលបោកក្បាលសន្លប់ស្តូកស្តឹងលែងដឹងខ្លួន ចំណែកជនសង្ស័យក៏ដួលម៉ូតូដែរ ហើយជនសង្ស័យម្នាក់ត្រូវប្រជាពលរដ្ឋចាប់បាននៅកន្លែងកើតហេតុ រីឯជនសង្ស័យម្នាក់ទៀតរត់ទៅដល់តារាងបាល់ទាត់ខេត្តកណ្តាល.មុខមន្ទីរពន្ធដារ ក៏កម្លាំងអន្តរាគមន៏នៃអធិការដ្ឋាននគរបាលក្រុងតាខ្មៅ ធ្វើការឃាត់ខ្លួននិងបញ្ជូនមកអធិការដ្ឋាននគរបាលក្រុងដើម្បីចាត់ការតាមនីតិវិធីតែម្តង។
ក្រោយកើតហេតុ.ជនរងគ្រោះត្រូវបានឪពុកម្តាយយកទៅសង្រ្គោះបន្ទាន់នៅមន្ទីពេទ្យជ័យជំនះ តែជនរងគ្រោះនៅតែមិនដឹងខ្លួន.ទើបដឹកយកទៅមន្ទីពេទ្យរាជធានីភ្នំពេញបាត់ទៅ។
បច្ចុប្បន្ន.ជនសង្ស័យនិងវត្ថុតាងត្រូវបាននគរបាលយកមកអធិការដ្ឋាននគរបាលក្រុង ដើម្បីកសាងសំណុំរឿងចាត់ការតាមនីតិវិធី៕ដោយ៖ស្អាង ជ័យ
