សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖រដ្ឋាភិបាលទីក្រុងប៉េកាំងបានព្រមានថាខ្លួននឹងតបតវិញប្រសិនបើ អ្នកសារព័ត៌មានចិនបំពេញការងារនៅអាមេរិក ត្រូវបានបង្ខំឲ្យចាកចេញពីអាមេរិកនោះ ។ ការព្រមានខាងលើរបស់ចិន ក្រោយពេលអាមេរិករឹតត្បិតចំពោះអ្នកសារព័ត៌មានចិនមកពីប្រព័ន្ធផ្សព្វផ្សាយធំៗចំនួន៤របស់ចិន។
នៅលើបណ្តាញសង្គមTwitter នាថ្ងៃទី៤ ខែសីហា និពន្ធនាយកកាសែត Global Times លោក Hu Xijinបានបញ្ជាក់ថា មកទល់ពេលនេះ ភាគីអាមេរិកមិនទាន់ ពន្យារទិដ្ឋាការដល់អ្នកសារព័ត៌មានចិនដែលជិតផុតកំណត់នោះទេ។ ទាំងនោះហើយបង្កក្តីបារម្ភយ៉ាងខ្លាំងថាអាមេរិកអាចនឹងមិនបន្តទិដ្ឋាការឱ្យអ្នកកាសែតចិន។
លោក Hu Xijin បានបញ្ជាក់ទៀតថា ប្រសិនបើអាមេរិកមិនបន្តវីសាទេ ភាគីចិននឹងមានវិធានការតបតវិញសំដៅទៅលើអ្នកសារព័ត៌មានអាមេរិកដែលបំពេញការងារនៅក្នុងប្រទេសចិន។
កាលពីខែ មិថុនា កន្លងមក អាមេរិក បានប្រកាសរឹតបន្តឹងការគ្រប់គ្រងចំពោះស្ថាប័នព័ត៌មានធំៗរបស់ចិនចំនួន៤ គឺ បណ្តាញទូរទស្សន៍ China Central Television (CCTV), China News Service, People’s Daily និង Global Times។ កាលពីខែកុម្ភៈកន្លងមក អាមេរិកបានអនុម័តដូចគ្នានេះដែរទៅលើបណ្តាញព័ត៌មានធំៗចំនួន៥មានក្នុងនោះមានសារព័ត៌មានស៊ីនហួ និង China Daily ៕ដោយ៖ធី រីណា
