ព័ត៌មានទាន់ហេតុការណ៍៖

បុរសម្នាក់ដេកស្លាប់ក្នុងចំណតរថយន្តក្រុងក្បែរស្តុបចេនឡា​ បង្កឱ្យមានការភ្ញាក់ផ្អើលដល់អាជីវករជាខ្លាំង

ចែករំលែក៖

ភ្នំពេញ​ ៖​ អាជីវករ​ផ្សារដេីមគរជាច្រេីននាក់​មានការភ្ញាក់ផ្អេីល​ជាខ្លាំង​ ខណៈប្រទះឃើញបុរសម្នាក់ដេកស្លាប់នៅក្នុងចំណតរថយន្តក្រុងគួរឲ្យយ៉ាងអាណោចអាធ័ម​ កាលពីវេលាម៉ោង៩ និង ២០នាទីយប់ថ្ងៃទី៦ ខែសីហា​ ឆ្នាំ២០២០ នៅចំណុចចំណតរថយន្តក្រុង មុខមជ្ឈមណ្ឌលចេនឡា តាមបណ្តោយផ្លូវព្រះមុនីរ៉េត​ ក្នុងសង្កាត់ផ្សារដើមគរ​ ខណ្ឌទួលគោក រាជធានីភ្នំពេញ។

    បេីតាមប្រភពព័ត៌មានពីអាជីវកផ្សារដេីមគរ​ បានប្រាប់ឲ្យដឹងថា​ បុរសម្នាក់ដែលបានដេលស្លាប់នៅកន្លែងកេីតហេតុខាងលេីនេះ​ ដេីមឡេីយគេធ្លាប់ឃើញរូបគាត់ប្រកបរបរជាអ្នករត់ម៉ូតូឌុប ដែលប្រចាំការនៅជុំវិញបរិវេណផ្សារដើមគររាល់ថ្ងៃ។​ ក្រោយមកក៏បាត់មុខរូបគាត់លែងឃើញមករត់ម៉ូតូឌុបដូចសព្វរាល់ដងរយៈពេល ១ អាទិត្យកន្លងមកហើយ ស្រាប់តែដល់ម៉ោងកើតហេតុខាងលើក៏ត្រូវបានបងប្អូនអាជីវករលក់បន្លែប្រទះឃើញដេកស្លាប់នៅក្នុងចំណតរថយន្តក្រុងយ៉ាងអាណោចអាធ័មដូច្នេះតែម្ដង​ និងមានការភ្ញាក់ផ្អើលដល់កម្លាំងសណ្តាប់ធ្នាប់ផ្សារដើមគរ ចុះមកពិនិត្យនៅនិងកន្លែងកើយហេតុហើយក៏បានរាយការណ៍ជូនសមត្ថកិច្ចភ្លាមៗផងដែរ​ ។

    បន្ទាប់មក​ សមត្ថកិច្ចខណ្ឌទួលគោកបានចុះមកដល់និងបានសហការជាមួយខាងកម្លាំងសណ្ដាប់ធ្នាប់ផ្សារដើមគរ​ បានយករថយន្តសណ្ដាប់ធ្នាប់ផ្សារដើមគរ ដឹកសពជនរងគ្រោះយកទៅតម្កល់ទុកនៅវត្តស្ទឹងមានជ័យ រង់ចាំជំនាញមកធ្វើកោសល្យវិច្ច័យពេលក្រោយ​ និងធ្វើការស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី៕ដោយ៖​ ភារ៉ា​ ដង្កោ


ចែករំលែក៖