រថយន្តមួយគ្រឿងបុកម៉ូតូ បណ្តាលឲ្យម្នាក់ស្លាប់

ខេត្តព្រះសីហនុ៖ នៅវេលាម៉ោង១៣និង១០នាទីរសៀល ថ្ងៃ ទី ០៦ ខែសីហា ឆ្នាំ២០២០ នៅចន្លោះ គីឡូម៉េត្រ លេខ១១៥-១១៦ ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុមានករណីគ្រោះថ្នាក់ចរាចរណ៍មួយកេីតឡេីង រវាងរថយន្តនិងម៉ូតូ ក្នុងទិសដៅស្របគ្នា កំពង់សោម -ភ្នំពេញ បង្កដោយរថយន្តម៉ាកម៉ាស់ស្ដាពណ៌ស ពាក់ស្លាកលេខព្រះសីហនុ 2B-0097 ជិះគ្នា០៤នាក់ បើកបរដោយឈ្មោះ គុយ រតនៈ ភេទប្រុស  អាយុ៣៨ឆ្នាំ មានទីលំនៅភូមិ៣  សង្កាត់៤   ក្រុងព្រះសីហនុ បើកបុកម៉ូតូម៉ាក C125 ស៊េរីឆ្នាំ ២០១៧ ពាក់ស្លាកលេខព្រះសីហនុ1F- 2374 បុកពីក្រោយ បណ្ដាលឲ្យជនរងគ្រោះម្នាក់ស្លាប់បាត់បង់ជីវិតភ្លាមៗនៅនឹងកន្លែង​។​ ជនរងគ្រោះឈ្មោះ ជា វណ្ណនាង   ភេទប្រុស អាយុ១៩ឆ្នាំ មានទីលំនៅភូមិស្ទឹងសំរោង  ឃុំអូរបាក់រទេះ ស្រុកំពង់សីលា ខេត្តព្រះសីហនុ ។

ក្រោយពេលកើតហេតុរថយន្តនិងម៉ូតូត្រូវបានកម្លាំងជំនាញ យកមករក្សាទុក្ខនៅ អធិការនគរបាលស្រុកកំពង់សីលា ដេីម្បីចាត់ការតាមនីតិវិធី៕ឆ្លាម សមុទ្រ