សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ថ្ងៃនេះ ៩ សីហា ឆ្នាំ២០២០ ជាខួបទី៩៣ព្រះវស្សា ការយាងសោយព្រះទិវង្គត នៃព្រះករុណា ព្រះបាទ សុីសុវត្តិ ព្រះចៅក្រុងកម្ពុជាធិបតី ជាទីសក្ការៈដ៏ខ្ពង់ខ្ពស់បំផុត (០៩ សីហា ១៩២៧-០៩ សីហា ២០២០-ព្រះបរមបច្ឆាមរណនាម ព្រះរាជានុកោដ្ឋ)។
សូមរំលឹកថា៖ ព្រះករុណា ព្រះបាទ សុីសុវត្ថិ ព្រះចៅក្រុងកម្ពុជាធិបតី ព្រះរាជានុកោដ្ឋ ជាព្រះរាជបុត្រានៃព្រះបាទសម្ដេចព្រះហរិរក្សរាមាឥស្សរាធិបតីព្រះអង្គឌួង ជាទីសក្ការៈដ៏ខ្ពង់ខ្ពស់បំផុត ព្រះបរមកោដ្ឋ និងសម្ដេចព្រះវររាជនីមាតា ពៅ សម្ដេចព្រះបរមអច្ឆរិយអប្សរ។
សូមថ្វាយព្រះរាជមហាកុសល ថ្វាយដួងព្រះរាជវិញ្ញាណក្ខន្ធ នៃព្រះរាជានុកោដ្ឋ សូមស្ដេចយាងសោយសុខក្នុងព្រះបរមសុខគតិភព កុំបីឃ្លៀងឃ្លាតឡើយ ៕
ដោយ៖ សុខ ខេមរា
