សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ នាព្រឹកថ្ងៃទី១៣ ខែសីហា ឆ្នាំ២០២០ លោក ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្ទឹងត្រែង បានអញ្ជើញជាអធិបតីបើកកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅអនុវត្តបន្ត របស់ក្រុមការងាររាជរដ្ឋាភិបាលចុះមូលដ្ឋានខេត្តស្ទឹងត្រែងដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និង យុទ្ធសាស្ត្រ ចតុកោណដំណាក់កាលទី៤ របស់រាជរដ្ឋាភិបាលកម្ពុជា ដែលមានវត្តមាន លោក ម៉ុម សារឿន អភិបាល នៃគណៈអភិបាលខេត្តនិងជាអនុប្រធានអចិន្ត្រៃយ៍ក្រុមការងាររាជរដ្ឋភិបាលចុះមូលដ្ឋានខេត្តស្ទឹងត្រែង លោក លោកស្រី សមាជិក ក្រុមប្រឹក្សាខេត្ត ក្រុមការងាររាជរដ្ឋាភិបាលចុះមូលដ្ឋានខេត្តស្ទឹងត្រែងជាច្រើនរូបចូលរួម។
លោកបានមានប្រសាសន៍ថា៖ ក្នុងឆមាសទី១ ឆ្នាំ២០២០នេះ ក្រុមការងាររបស់រាជរដ្ឋភិបាលចុះមូលដ្ឋានខេត្តស្ទឹងត្រែង បានខិតខំយកចិត្តទុកដាក់អនុវត្តនូវតួនាទី និងភារកិច្ចរបស់ខ្លួនក្នុងការជម្រុញ និងលើកកម្ពស់ការទទួលខុសត្រូវលើការងារផ្តល់សេវាសាធារណៈ ការថែរក្សាសន្តិសុខសណ្តាប់ធ្នាប់ និងសុវត្តិភាពសង្គម ព្រមទាំងការអភិវឌ្ឍន៍នៅមូលដ្ឋាន ក្នុងនោះលោកបានសង្កត់ធ្ងន់ ស្របតាមប្រសាសន៍ណែនាំដ៏ខ្ពស់ខ្ពស់សម្តេចតេជោ នាយករដ្ឋមន្រ្តី នៃព្រះរាជណាចក្រកម្ពុជា ពិសេសរដ្ឋបាលខេត្តត្រូវអនុវត្តយ៉ាងម៉ឺងមាត់ លើកាត់ឆ្វៀលដីដែលប្រជាពលរដ្ឋបានប្រើប្រាស់ និងអាស្រ័យផលជាក់ស្តែង ក្នុងតំបន់ការពារធម្មជាតិ និងរបៀងអភិរក្សជីវៈចម្រុះក្នុងភូមិសាស្រ្តរបស់ខ្លួន ធ្វើយ៉ាងណាកុំឱ្យមានជម្លោះដីធ្លី ៕
ដោយ៖សិលា
