សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ ប្អូនប្រុសប្រធានាធិបតីអាមេរិក ដូណាល់ ត្រាំ គឺលោកRobert Trump បានទទួលមរណភាពក្នុងវ័យ៧២ឆ្នាំ នៅមន្ទីរពេទ្យ កាលពីថ្ងៃទី១៥ ខែសីហា ។
ប្រធានាធិបតីអាមេរិកដូណាល់ ត្រាំ កាលពីថ្ងៃទី១៥ខែសីហាបានមានប្រសាសន៍ថា «ខ្ញុំពិតជាសោកស្តាយ និងមានទុក្ខក្រៀមក្រំខ្លាំងណាស់ដែលប្អូនប្រុសរបស់ខ្ញុំបានស្លាប់ហើយ។ ប្អូនសម្លាញ់ ប្អូនសម្រាកឲ្យបានស្ងប់ចុះ»។
លោក Robert Trump ដែលជាប្អូនប្រុសប្រធានាធិបតីដូណាល់ ត្រាំ បានចូលព្យាបាលជំងឺនៅក្នុងមន្ទីរពេទ្យPresbyterian ក្នុងទីក្រុងញូវយ៉កកាលពីថ្ងៃទី១៥ខែសីហា ក្រោយពេលប្រធានាធីបតីដូណាល់ ត្រាំ ទៅសួរសុខទុក្ខបានប៉ុន្មានថ្ងៃប៉ុណ្ណោះ។
តាមការលើកឡើងរបស់មន្ត្រីសេតវិមាន លោក Robert Trump ធ្លាក់ខ្លួនឈឺធ្ងន់ដេកពេទ្យ១០ថ្ងៃមកហើយនៅមន្ទីរពេទ្យMount Sinai ក្នុងតំបន់ Manhattan ក្រោយមកក៏បានប្តូរទៅកាន់មន្ទីរពេទ្យក្នុងទីក្រុងញូវយ៉កវិញ។
លោកត្រាំមានបងប្អូន៥នាក់ ក្នុងនោះ លោក Robert Trump ជាប្អូនប្រុសពៅក្នុងគ្រួសារ។ មិនតែប៉ុណ្ណោះលោកRobert Trumpបានចូលរួមយ៉ាងសកម្មក្នុង មុខជំនួញរបស់គ្រួសារ ៕
ដោយ ៖ធីរីណា
