សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ ប្រជាពលរដ្ឋរស់នៅក្នុងភូមិនាំគ្នាឆ្ងល់ថា ហេតុអ្វីបានជាស្រ្តីមេម៉ាយម្នាក់ ចេះតែដើរទិញគល់ត្នោតជាច្រើនកំណាត់ ហើយយកទៅរក្សាទុកក្នុងផ្ទះរបស់គាត់ ។បន្ទាប់ពីប្តីគាត់បានស្លាប់ចោល ហើយគាត់ត្រូវរ៉ាប់រងក្នុងគ្រួសាររបស់គាត់ ដោយរកស៉ីចិព្ចាឹមកូនតូចៗចំនួន២នាក់ ។
ក្រោយពលរដ្ឋនាំគ្នាឆ្ងល់និងចង់ដឹង ចង់ឃើញ ពួកគាត់ក៏ទៅបើកមើលនៅក្នុងគល់តោ្នតទាំងអស់នោះ ស្រាប់តែមានសុទ្ធតែដង្កូវដួងទើបបង្កឲ្យមានភាពភ្ញាក់ផ្អើលទូទាំងភូមិមកចោមរោមមើល ព្រមទាំងក្រុមអ្នកសារព័ត៌មានក្នុងប្រទេសថៃចុះផ្សាយព្រោងព្រាត ដោយមិននឹកស្មានគាត់ជាស្រ្តីម្នាក់មានគំនិតបែបនេះសោះ ។
គួរបញ្ជាក់ថា ហេតុការណ៏នេះកើតឡើងកាលពីពេលថ្មីៗនេះ ស្ថិតនៅចំណុចផ្លូវទី៥ តំបន់រោង ស្រុកក្រៈសេស៊ីន ខេត្តសុងខ្លា នៃប្រទេសថៃ។ មិនតែប៉ុណ្ណោះ គាត់ក៏បានបង្ហាត់បង្ហាញទៅដល់អ្នកស្រុកដែលមានបំណង ចង់ចិញ្ចឹម ដង្កូវដួងនេះ ព្រោះ វាងាយស្រួលចិញ្ចឹម និងទទួលបានប្រាក់កំរៃច្រើនគួរសម និងអាចឱ្យពួកគាត់ផ្គត់ផ្គង់គ្រួសារ ប្រសើរជាងធ្វើចំណាកស្រុក ៕
ដោយ៖ស តារា
