សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ នៅថ្ងៃទី១៦ ខែសីហា ឆ្នាំ២០២០ វេលាម៉ោង១៤និង៣០នាទីរសៀល កម្លាំងជំនាញរបស់ផែនការងារនគរបាលព្រហ្មទណ្ឌខេត្តកំពង់ចាម សហការជាមួយកម្លាំងនគរបាលស្រុកបាធាយ និងអាជ្ញាធរមូលដ្ឋាន និងដោយមានការសម្របសម្រួលបញ្ជាផ្ទាល់ពីលោក សុធាពិសិដ្ឋព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម ចុះបង្ក្រាបករណីបើក និងលេងល្បែងស៊ីសងខុសច្បាប់ (កន្ទុយលេខឆ្នោតវៀតណាម) ចំនួន០៣ទីតាំង ក្នុងមូលដ្ឋាន ស្រុកបាធាយ ខេត្តកំពង់ចាម ជាក់ស្តែងឃាត់ខ្លួនមនុស្ស២នាក់ ។ រីឯម្ចាស់ទីតាំងមួយទៀតគេចខ្លួនបាត់ ។
យោងតាមប្រភពព័ត៌មានពីមន្ត្រីនគរបាលខេត្តកំពង់ចាម បានឲ្យដឹងថាទីតាំងខាងលើនោះរួមមាន ៖ ទីតាំងទី០១ ស្ថិតនៅចំណុចផ្ទះរបស់ឈ្មោះ ឡូត ស្រីពៅ ភេទស្រី អាយុ១៩ឆ្នាំ ជាតិខ្មែរ រស់នៅក្នុង ភូមិសង្កើប ឃុំសំបូរស្រុកបាធាយ ខេត្តកំពង់ចាម (ឃាត់ខ្លួនម្ចាស់ទីតាំង) ។និងដកហូតវត្ថុតាងរួមមាន ៖ ១–ប៊ិចចំនួន០២ដើម _ ២–សៀវភៅកត់លេខឆ្នោតចំនួន០១ក្បាល _ ៣–ក្រដាស់កាបូនចំនួន០៧សន្លឹក _ ៤–ក្រដាស់តារាងកត់លេខឆ្នោតចំនួន៧០សន្លឹក _ ៥–ប្រាក់រៀលចំនួន៨៤០០០០រៀល(ប្រាំបីសែនបួនម៉ឺនរៀល) _ ៦–ទូរស័ព្ទដៃចំនួន០៣គ្រឿង _ ៧–ម៉ាស៊ីនគិតលេខចំនួន០១គ្រឿង _ ៨–កាបូបស្ពាយពណ៌ខ្មៅចំនួន០១ ។
ទីតាំងទី០២៖ ស្ថិតនៅចំណុចផ្ទះរបស់ឈ្មោះម៉ុល ម៉ាច ភេទស្រីអាយុ៤៧ឆ្នាំ ជាតិខ្មែរ នៅនៅភូមិសង្កើប ឃុំសំបូរ ស្រុកបាធាយ ខេត្តកំពង់ចាម (គេចខ្លួនបាត់) ៖ ដកហូតវត្ថុតាងរួមមាន ៖ ១–សៀវភៅកត់លេខឆ្នោតចំនួន០៣ក្បាល _ ២–ក្រដាស់កាបូនចំនួន០២សន្លឹក _ ៣–ក្រដាស់កត់កន្ទុយលេខឆ្នោតមួយចំនួន _ ៤–ប៉ិចចំនួន០២ដើម _ ៥–ម៉ាស៊ីនគិតលេខចំនួន០១គ្រឿង _ ៦–តារាងកត់លេខឆ្នោតចំនួន០២សន្លឹក។
និងទីតាំងទី០៣ ៖ នៅចំណុចភូមិចុង ឃុំសំបូរ ស្រុកបាធាយខេត្តកំពង់ចាមឃាត់ខ្លួនម្នាក់ ៖ ១.ឈ្មោះ ប្រាក់ ហ៊ាក ភេទស្រី អាយុ៥៥ ជាតិខ្មែរនៅភូមិចុង ឃុំសំបូរ ស្រុកបាធាយខេត្តកំពង់ចាម ។ ដកហូតវត្ថុតាងរួមមាន ៖ ១–សៀវភៅកត់លេខឆ្នោតវៀតណាមចំនួន០១ក្បាល _ ២–ក្រដាស់តារាងកត់លេខ ឆ្នោតវៀតណាមចំនួន១៧សន្លឹក ៣–ប៉ិចចំនួន០២ដើម ៤–ម៉ាស៊ីនគិតលេខចំនួន០១គ្រឿង ។
ប្រភពដដែលបានបន្តថា ៖ ដោយមានសំណូមពរពីក្រុមគ្រួសារ និងដោយឈ្មោះ ប្រាក់ ហ៊ាក មានជំងឺប្រចាំកាយរាំរ៉ៃ (លើសឈាម , ទឹនោមផ្អែម , បេះដូងរីក ) ហេតុនេះលោក សុធា ពិសិដ្ឋ សម្រេចឲ្យធ្វើការអប់រំ ត្រឡប់ទៅមូលដ្ឋានវិញ ។
បច្ចុប្បន្នជនសង្ស័យទាំង០២នាក់ រួមនឹងវត្ថុតាងខាងលើ ត្រូវបានបញ្ចូនមកកាន់ស្នងការដ្ឋាននគរបាលខេត្តកំពង់ចាម ដើម្បីសាកសួរ និងកសាងសំណុំរឿងតាមនីតិវិធី តាមបទបញ្ជារបស់លោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម ៕ដោយ៖សហការី
