សារព័ត៌មាន នគរវត្ត តែងតែនាំមុខគេជានិច្ច
កម្លាំងទាហានអាកាសអាមេរិកបានសាកល្បងដោយជោគជ័យរថយន្តហោះមានឈ្មោះថា Hexa ។ កាលពីឆ្នាំ ២០១៩ កម្លាំងទាហាន អាកាសអាមេរិកបានបង្ហាញពីគោលបំណងផលិតរថយន្តហោះ អាចហោះហើរ និងចុះចតត្រង់តែម្តង ដោយប្រើបច្ចេកវិទ្យា (eVTOL) (ថាមពលអគ្គិសនី) ។ កម្លាំងទាហានអាកាសអាមេរិក បញ្ជាក់ថា នៅឆ្នាំ២០២០ និឹងមានរថយន្តហោះ៣០គ្រឿងដាក់ឲ្យប្រើប្រាស់ ។
នៅក្នុងការសាកល្បងនាពេលនេះ រថយន្តហោះបានឈានដល់ជិតគោលដៅទាំងស្រុងហើយ។ ការសាកល្បងដោយជោគជ័យ ក្នុងឱកាសនៃខួប១១២ឆ្នាំថ្ងៃបងប្អូន ត្រកូល(Wright)២នាក់គឺ (Orville Wright និង Wilbur Wright) ប្រគល់យន្តហោះចម្បាំង យោធាជាលើកដំបូងដល់កម្លាំងទាហានអាកាសអាមេរិក។
កាលពីថ្ងៃទី ២០ ខែសីហា មន្ត្រីយោធាអាមេរិកបានទៅទស្សនានៅទីតាំង Austin ក្នុងរដ្ឋតិចសាស់ ស្តីពីការហោះហើរសម្តែងរថយន្តហោះ មានស្លាបដល់ទៅ១៨ ឈ្មោះ Hexa ផលិតដោយក្រុមហ៊ុន eVTOL។
ក្រុមហ៊ុនផលិត eVTOL បានឲ្យដឹងថា នឹងមានគម្រោងលក់រថយន្តហោះខាងលើនេះដល់មហាជន ហើយការបើកបររថយន្តហោះ មិនចាំបាច់មានបណ្ណបើកបរនោះឡើយ។ ក្រុមហ៊ុនបានបញ្ជាក់ថា រថយន្ត Hexa អាចហោះហើរ និងចុះចតដោយប្រើតែស្លាប៦ក៏បាន ៕ដោយ៖ធី រីណា
