សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី២៧ ខែសីហា ឆ្នាំ២០២០ វេលាម៉ោង៦ព្រឹកកម្លាំងប៉ុស្តិ៍នគរបាលរដ្ឋបាលទន្លេបាសាក់បានឃាត់ខ្លួនជនសង្ស័យ១នាក់ករណីប៉ុនប៉ងលួចកំណាត់ដែកនៅចំណុចការដ្ឋានសំណង់ក្នុងដីទ្បូត៍គ្មានលេខ(ច្រាំងទន្លេខាងលិចកោះពេជ្រ)ផ្លូវសប៊ិត ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនសង្ស័យឈ្មោះ តី តួ ហៅអាងាកភេទប្រុស អាយុ២៩ឆ្នាំ ជនជាតិខ្មែរស្នាក់នៅមិនពិតប្រាកដ មុខរបរគ្មាន ក្រោយមកសមត្ថកិច្ចបានយកទឹកមូត្រជនសង្ស័យខាងលើមកធ្វេីតេស្តស្វែងរកសារធាតុញៀន លទ្ធផលវិជ្ជមាន(មានសារធាតុញៀន)។
ចំពោះសម្ភារដកហូតមាន៖
-កំណាត់ដែកថ្នាំងអំពៅខ្លីៗមួយចំនួននិងកង់តួស្រីពណ៌ខ្មៅចំនួន១។
លោក ផន អូន អធិការរងទទួលផ្នែកព្រហ្មទណ្ឌខណ្ឌបានឱ្យដឹងថា នៅថ្ងៃកើតហេតុខាងលើ កម្លាំងប៉ុស្តិ៍នគរបាលរដ្ឋបាលទន្លេបាសាក់បានចុះល្បាតដើម្បីទប់ស្កាត់បទល្មេីសនៅក្នុងមូលដ្ឋានក៏បានប្រទះឃេីញជនសង្ស័យឈ្មោះតី តួនេះកំពុងធ្វេីសកម្មភាពជិះកង់លីកំណាត់ដែកចេញពីក្នងការដ្ឋានសំណង់មួយកន្លែងនៅចំណុចខាងលេីដែលម្ចាស់ទុកចោល។
ដោយមានការសង្ស័យកម្លាំងយេីងបានធ្វេីការឃាត់ខ្លួនដេីម្បីសាកសួរ រួចនាំខ្លួនរួមទាំងវត្ថុតាងយកមកប៉ុស្តិ៍ចាត់ការតាមនីតិវិធីច្បាប់ ៕ ដោយ៖ ជីណា
