សារព័ត៌មាន នគរវត្ត តែងតែនាំមុខគេជានិច្ច
កីឡាករ Mario Balotelli នៅតែបន្តស្វែងរកក្លិបថ្មីបន្ទាប់ពីត្រូវបានចាកចេញពីក្លិប Brescia ហើយត្រូវបានលេចឮពាក្យចចាមអារ៉ាមថា ក្លិបយក្ស២គឺក្លិប LA Galaxy របស់អាមេរិក និងក្លិប Besiktas របស់ទួរគីបានចូលរួមក្នុងការប្រជែងគ្នាដើម្បីចុះហត្ថលេខាយកកីឡាកររូបនេះមកក្លិបរបស់ខ្លួននៅរដូវក្តីខាងមុខនេះ។
បន្ទាប់ពីក្លាយជាភ្នាក់ងារឥតគិតថ្លៃអស់រយៈពេលជាច្រើនសប្តាហ៍ ការអភិវឌ្ឍពីគោដៅរបស់កីឡាករ Mario Balotelli មានភាពយឺតយ៉ាវទាក់ទងនឹងអនាគតរបស់អតីតតារាឆ្នើមរបស់ក្រុម Manchester City រូបនេះ។
ក្លិប LA Galaxy ចាប់អារម្មណ៍ Balotelli ដើម្បីបំពេញចន្លោះដែលនៅទំនេរដោយជំនួសកន្លែងកីឡាករ Zlatan Ibrahimovic ខណៈដែលកន្លងទៅក្លិបមួយនេះធ្លាប់ទាក់ទងចុះហត្ថលេខាយក Javier Hernandez ប៉ុន្តែជួបការលំបាកដោយសារបញ្ហារបួស និងកង្វះការរកគ្រាប់បាល់នៅលើទីលាន។
ប្រាក់ខែរបស់ Balotelli អាចនឹងមានបញ្ហានៅក្នុងលីគរបស់អាមេរិកMLS ដោយមានបញ្ហាមួយចំនួនលើកឡើងថា ក្លិប LA Galaxy មិនបានបង់លុយឲ្យអតីតកីឡាករ Hernandez, Jonathan dos Santos និង Cristian Pavon ក្នុងនាមជាកីឡាករដែលត្រូវបានលើកលែងពីច្បាប់តំឡើងប្រាក់ខែ ដែលខុសពីកិច្ចសន្យាពេលចរចាគ្នា ៕ដោយ៖ភារៈ
